QR Ulttyq qorynan 2022-2024 jyldarǵa kepildendirilgen transfert aiasynda azyq-túlik qaýipsizdigin qamtamasyz etýge 200 mlrd teńgeden astam qarjy bólinedi, dep habarlaidy QazAqparat.
Bul jóninde QR Qarjy ministriniń orynbasary Tatiana Saveleva Májilistegi jańa zań jobasynyń tanystyrylymynda aitty.
«Taǵy bir baǵyt – azyq-túlik qaýipsizdigin qamtamasyz etý jospary aiasyndaǵy is-sharalar. Jospardy Úkimet maquldady, ol sapaly, qaýipsiz taýarlardyń naqty ekonomikalyq qoljetimdiligin qamtamasyz etýge baǵyttalǵan. Ony júzege asyrýǵa úsh baǵytqa 238 mlrd teńge bólinedi. Agroónerkásip keshenin sýbsidiialaýǵa, onyń ishinde áleýmettik nan men jumyrtqany sýbsidiialaýǵa 139 mlrd teńge qarastyrylǵan. Kóktemgi egis jáne egin jinaý jumystaryna jeńildetilgen nesie berý kólemin 70-ten 140 mlrd teńgege deiin arttyrý kózdelip otyr», - dedi vitse-ministr.
Sondai-aq, ol elde jemshóp qoryn qalyptastyrý úshin 20 mlrd teńge bólinetinin aitty.
«Byltyrǵy tájiribe kórsetkendei, jemshópqoryn qalyptastyrý mańyzdy. Azyq-túlik kelisim shart korporatsiiasy osy maqsatpen 200 myń tonna kóleminde astyq satyp alýdy josparlap otyr. Bul qor keiin qus, mal sharýashylyǵy kásiporyndaryn qurǵaqshylyq siiaqty shetin jaǵdailardan, ishki naryqtaǵy azyq-túlik baǵasynyń kúrt tapshylyǵynan saqtaidy», - dedi Tatiana Saveleva.
