قر ۇلتتىق قورىنان 2022-2024 جىلدارعا كەپٸلدەندٸرٸلگەن ترانسفەرت اياسىندا ازىق-تٷلٸك قاۋٸپسٸزدٸگٸن قامتاماسىز ەتۋگە 200 ملرد تەڭگەدەن استام قارجى بٶلٸنەدٸ, دەپ حابارلايدى قازاقپارات.
بۇل جٶنٸندە قر قارجى مينيسترٸنٸڭ ورىنباسارى تاتيانا ساۆەلەۆا مەجٸلٸستەگٸ جاڭا زاڭ جوباسىنىڭ تانىستىرىلىمىندا ايتتى.
«تاعى بٸر باعىت – ازىق-تٷلٸك قاۋٸپسٸزدٸگٸن قامتاماسىز ەتۋ جوسپارى اياسىنداعى ٸس-شارالار. جوسپاردى ٷكٸمەت ماقۇلدادى, ول ساپالى, قاۋٸپسٸز تاۋارلاردىڭ ناقتى ەكونوميكالىق قولجەتٸمدٸلٸگٸن قامتاماسىز ەتۋگە باعىتتالعان. ونى جٷزەگە اسىرۋعا ٷش باعىتقا 238 ملرد تەڭگە بٶلٸنەدٸ. اگروٶنەركەسٸپ كەشەنٸن سۋبسيدييالاۋعا, ونىڭ ٸشٸندە ەلەۋمەتتٸك نان مەن جۇمىرتقانى سۋبسيدييالاۋعا 139 ملرد تەڭگە قاراستىرىلعان. كٶكتەمگٸ ەگٸس جەنە ەگٸن جيناۋ جۇمىستارىنا جەڭٸلدەتٸلگەن نەسيە بەرۋ كٶلەمٸن 70-تەن 140 ملرد تەڭگەگە دەيٸن ارتتىرۋ كٶزدەلٸپ وتىر», - دەدٸ ۆيتسە-مينيستر.
سونداي-اق, ول ەلدە جەمشٶپ قورىن قالىپتاستىرۋ ٷشٸن 20 ملرد تەڭگە بٶلٸنەتٸنٸن ايتتى.
«بىلتىرعى تەجٸريبە كٶرسەتكەندەي, جەمشٶپقورىن قالىپتاستىرۋ ماڭىزدى. ازىق-تٷلٸك كەلٸسٸم شارت كورپوراتسيياسى وسى ماقساتپەن 200 مىڭ توننا كٶلەمٸندە استىق ساتىپ الۋدى جوسپارلاپ وتىر. بۇل قور كەيٸن قۇس, مال شارۋاشىلىعى كەسٸپورىندارىن قۇرعاقشىلىق سيياقتى شەتٸن جاعدايلاردان, ٸشكٸ نارىقتاعى ازىق-تٷلٸك باعاسىنىڭ كٷرت تاپشىلىعىنان ساقتايدى», - دەدٸ تاتيانا ساۆەلەۆا.
