Búgin QR Ulttyq ekonomika ministri Rýslan Dálenov konferents bailanys arqyly Aziia damý banki prezidenti Asakava Masatsýgomen kelissóz júrgizdi, dep habarlaidy "Ult aqparat".
Atalǵan vedomstvo baspasóz qyzmetiniń málimetinshe, elimizdiń Ulttyq bank ókilderi de qatysqan kelissóz barysynda Aziia damý bankiniń Qazaqstanǵa koronovirýspen (COVID-19) kúreske ókpeni jasandy jeldetý apparatyn, qorǵaný maskalaryn jetkizý boiynsha qaitarymsyz tehnikalyq kómek kórsetý máselesi qarastyrylǵan.
«Qazirgi ýaqytta Aziia damý banki jumyspen qamtý, basym salalardaǵy jumys kúshin qaita oqytýdy qoldaý, sondai-aq elimizdiń shikizatqa táýeldiligin azaitý jáne aýyl sharýashylyǵy, aqparattyq tehnologiia men elektrondyq saýda salalaryn ilgeriletý maqsatynda ekonomikany ártaraptandyrýǵa múmkindik beretin qoldaý jasaý kórsetýdi kózdep otyr»,- dedi ministrlikten.
