Foto: Sputnik Qazaqstan
Premer-ministrdiń orynbasary Qanat Bozymbaev Úkimet otyrysynda Túrkistan oblysy Jetisai aýdany Alǵabas aýylyndaǵy jeke úide bolǵan órtke bailanysty qabyldanyp jatqan jedel sharalar týraly baiandady. Bul týraly Úkimettiń baspasóz qyzmeti habarlady dep habarlaidy Ult.kz.
Vitse-premer keshe saǵat 05.36-da Túrkistan oblysy Jetisai aýdanynyń Alǵabas aýylynda jeke turǵyn úide órt shyqqanyn aitty. Eki qabatty úi tolyǵymen órtke oranyp, shatyry ishinara opyrylǵan. Oqiǵa ornyna Tótenshe jaǵdailar ministrliginiń kúsh-quraldary dereý jiberildi, órt saǵat 07.22-de sóndirildi.
Ókinishke qarai, órt ornynda 12 adam qaza tapty, olardyń 9-y bala. 3 adam zardap shekti, olar qazir Jetisai aýdandyq ortalyq aýrýhanasynyń jansaqtaý bóliminde jatyr. Oqiǵa ornynda tergeý sharalary júrgizilip, órttiń sebebi anyqtalýda. Ázirge qylmystyq quram joq. «Órt qaýipsizdigi talaptaryn buzý» baby boiynsha sotqa deiingi tergeý bastaldy (Qylmystyq kodekstiń 292-babynyń 3-bóligi).
«Sizdiń tapsyrmańyz boiynsha keshe men Úkimettik komissiianyń otyrysyn ótkizdim, jerleý rásimin uiymdastyrý jáne qaza tapqandar men zardap shekkenderdiń otbasylaryna kómek kórsetý, órttiń týyndaý sebepterin anyqtaý, sondai-aq osyndai jaǵdailardyń aldyn alý sharalaryn júrgizý boiynsha birqatar tapsyrma berdim»,
— dep baiandady Qanat Bozymbaev Úkimet otyrysynda.
