فوتو: Sputnik قازاقستان
پرەمەر-مينيستردٸڭ ورىنباسارى قانات بوزىمباەۆ ٷكٸمەت وتىرىسىندا تٷركٸستان وبلىسى جەتٸساي اۋدانى العاباس اۋىلىنداعى جەكە ٷيدە بولعان ٶرتكە بايلانىستى قابىلدانىپ جاتقان جەدەل شارالار تۋرالى باياندادى. بۇل تۋرالى ٷكٸمەتتٸڭ باسپاسٶز قىزمەتٸ حابارلادى دەپ حابارلايدى Ult.kz.
ۆيتسە-پرەمەر كەشە ساعات 05.36-دا تٷركٸستان وبلىسى جەتٸساي اۋدانىنىڭ العاباس اۋىلىندا جەكە تۇرعىن ٷيدە ٶرت شىققانىن ايتتى. ەكٸ قاباتتى ٷي تولىعىمەن ٶرتكە ورانىپ, شاتىرى ٸشٸنارا وپىرىلعان. وقيعا ورنىنا تٶتەنشە جاعدايلار مينيسترلٸگٸنٸڭ كٷش-قۇرالدارى دەرەۋ جٸبەرٸلدٸ, ٶرت ساعات 07.22-دە سٶندٸرٸلدٸ.
ٶكٸنٸشكە قاراي, ٶرت ورنىندا 12 ادام قازا تاپتى, ولاردىڭ 9-ى بالا. 3 ادام زارداپ شەكتٸ, ولار قازٸر جەتٸساي اۋداندىق ورتالىق اۋرۋحاناسىنىڭ جانساقتاۋ بٶلٸمٸندە جاتىر. وقيعا ورنىندا تەرگەۋ شارالارى جٷرگٸزٸلٸپ, ٶرتتٸڭ سەبەبٸ انىقتالۋدا. ەزٸرگە قىلمىستىق قۇرام جوق. «ٶرت قاۋٸپسٸزدٸگٸ تالاپتارىن بۇزۋ» بابى بويىنشا سوتقا دەيٸنگٸ تەرگەۋ باستالدى (قىلمىستىق كودەكستٸڭ 292-بابىنىڭ 3-بٶلٸگٸ).
«سٸزدٸڭ تاپسىرماڭىز بويىنشا كەشە مەن ٷكٸمەتتٸك كوميسسييانىڭ وتىرىسىن ٶتكٸزدٸم, جەرلەۋ رەسٸمٸن ۇيىمداستىرۋ جەنە قازا تاپقاندار مەن زارداپ شەككەندەردٸڭ وتباسىلارىنا كٶمەك كٶرسەتۋ, ٶرتتٸڭ تۋىنداۋ سەبەپتەرٸن انىقتاۋ, سونداي-اق وسىنداي جاعدايلاردىڭ الدىن الۋ شارالارىن جٷرگٸزۋ بويىنشا بٸرقاتار تاپسىرما بەردٸم»,
— دەپ باياندادى قانات بوزىمباەۆ ٷكٸمەت وتىرىسىندا.
