Foto:QR TJM
Aqtaýda apatqa ushyraǵan Ázirbaijan ushaǵynyń ushqyshtary nege Aqtaý qalasyn tańdaǵany belgili boldy, dep habarlaidy Ult.kz.
Media.az-dyń habarlaýynsha nusqaýshy ushqysh Výgar Mehdizade áýe kemesiniń mejeli jerge emes, Aqtaýǵa barýynyń sebebin túsindirdi.
Onyń aitýynsha, bul qala áýejaiynyń ainalasy taýly relefti emes, tolyǵymen jazyq. Lainerdiń basqarylmaityndyǵyn eskere otyryp, kapitannyń apattyq qoný týraly sheshimi dál sol jerde durys boldy.
"Olar óte qiyn jaǵdaida Qazaqstanǵa ushty", - dep atap ótti V.Mehdizade ushqyshtardyń batyldyǵy men kásibiligine qurmet kórsete otyryp.
Qaiǵyly oqiǵadan úsh kún buryn sol ushaqty basqarǵan Týral Shahverdiev kapitannyń eń qolaily qoný úshin aýada birneshe ainalym jasaýdy josparlaǵanyn aitty. Biraq sońǵy sátte ne bolǵanyn eshkim bilmeidi.
2024 jyly 25 jeltoqsanda Baký-Groznyi baǵyty boiynsha ushqan Ázirbaijannyń AZAL áýekompaniiasynyń Embraer e-190 ushaǵy Aqtaý qalasynda apatqa ushyrady. Ushaqta 67 adam bolǵan. Onyń 62 jolaýshy jáne 5 ekipaj múshesi. Apat saldarynan 38 adam qaza taýyp, 29 adam, onyń ishinde eki bala, jaraqat alyp aýrýhanaǵa jetkizilgen.
