16 qazannan 17-ne qaraǵan túni, 01.00 shamasynda Ázerbaijannyń Giandja jáne Mingiachevir qalalaryna raketamen shabýyl jasaldy, dep habarlaidy "Ult aqparat".
Saldarynan Giandjede 12 adam mert bolyp, 40-tan astam turǵyn jaraqat aldy. Ondaǵan úi qiratyldy. Boljam boiynsha shabýyl SKAD (R-17) ballistikalyq zymyrandarymen jasalǵan.
ÁR prezidentiniń kómekshisi – Prezident ákimshiliginiń syrtqy saiasat bóliminiń jetekshisi Hikmet Gadjievtiń málimdeýinshe, Giandjege zymyrandar Armeniiadan jiberilgen.
Al Armeniianyń qarýly kúshteri bul shabýylǵa qatysymyz joq dep otyr. Armeniia Qorǵanys ministrliginiń baspasóz hatshysy Sh.Stepanian Armeniia aýmaǵynan nemese Armeniia qarýly kúshteri tarapynan Ázerbaijanǵa oq jaýdyrylǵan joq dep jazdy.
Aita keteiik, Taýly Qarabaq oqiǵasy 27 qyrkúiekte qaita shielenisip ketti. Aýqymy keń áskeri qaqtyǵys júrip jatyr. Ázerbaijan men Armeniiada soǵys jaǵdaiy jariialandy.
Resei tarapynyń bastamasymen Máskeýde ótken keńes nátijesinde Baký men Erevan tutqyndar men qaza tapqandardyń denesimen almasý úshin gýmanitarlyq maqsatta 10 qazanda jergilikti ýaqyt boiynsha 12.00-den bastap atysty toqtatý týraly kelisken bolatyn.
