16 قازاننان 17-نە قاراعان تٷنٸ, 01.00 شاماسىندا ەزەربايجاننىڭ گياندجا جەنە مينگياچەۆير قالالارىنا راكەتامەن شابۋىل جاسالدى, دەپ حابارلايدى "ۇلت اقپارات".
سالدارىنان گياندجەدە 12 ادام مەرت بولىپ, 40-تان استام تۇرعىن جاراقات الدى. ونداعان ٷي قيراتىلدى. بولجام بويىنشا شابۋىل سكاد (ر-17) بالليستيكالىق زىمىراندارىمەن جاسالعان.
ەر پرەزيدەنتٸنٸڭ كٶمەكشٸسٸ – پرەزيدەنت ەكٸمشٸلٸگٸنٸڭ سىرتقى ساياسات بٶلٸمٸنٸڭ جەتەكشٸسٸ حيكمەت گادجيەۆتٸڭ مەلٸمدەۋٸنشە, گياندجەگە زىمىراندار ارمەنييادان جٸبەرٸلگەن.
ال ارمەنييانىڭ قارۋلى كٷشتەرٸ بۇل شابۋىلعا قاتىسىمىز جوق دەپ وتىر. ارمەنييا قورعانىس مينيسترلٸگٸنٸڭ باسپاسٶز حاتشىسى ش.ستەپانيان ارمەنييا اۋماعىنان نەمەسە ارمەنييا قارۋلى كٷشتەرٸ تاراپىنان ەزەربايجانعا وق جاۋدىرىلعان جوق دەپ جازدى.
ايتا كەتەيٸك, تاۋلى قاراباق وقيعاسى 27 قىركٷيەكتە قايتا شيەلەنٸسٸپ كەتتٸ. اۋقىمى كەڭ ەسكەري قاقتىعىس جٷرٸپ جاتىر. ەزەربايجان مەن ارمەنييادا سوعىس جاعدايى جارييالاندى.
رەسەي تاراپىنىڭ باستاماسىمەن مەسكەۋدە ٶتكەن كەڭەس نەتيجەسٸندە باكۋ مەن ەرەۆان تۇتقىندار مەن قازا تاپقانداردىڭ دەنەسٸمەن الماسۋ ٷشٸن گۋمانيتارلىق ماقساتتا 10 قازاندا جەرگٸلٸكتٸ ۋاقىت بويىنشا 12.00-دەن باستاپ اتىستى توقتاتۋ تۋرالى كەلٸسكەن بولاتىن.
