QR AShM Agroónerkásiptik keshendegi memlekettik inspektsiia komiteti karantindik fitosanitariialyq shara retinde Ázerbaijan Respýblikasynyń aýmaǵynan qyzanaq alyp kelýge ýaqytsha shekteý engizdi. Bul týraly atalmysh vedomostvonyń baspasóz qyzmeti habarlady.
Ázerbaijan elinen jetkizilgen qyzanaq jemisterine karantindik fitosanitariialyq baqylaý júrgizý kezinde 17 jaǵdaida Tomato brown rugose cfruit virus (ToBRFV) virýsy anyqtaldy. Osyǵan bailanysty Komitet ýaqytsha karantindik fitosanitariialyq shara engizdi.
ISPM №13 «Sáikestik jáne tótenshe jaǵdailar týraly eskertý nusqaýlyǵy» Halyqaralyq standarttaryna sáikes Ázerbaijan agenttigine tiisti notifikatsiialar jiberildi.
Qazaqstan Respýblikasynyń aýmaǵynda virýstyń taralýyna jol bermeý maqsatynda shekteý sharalary 2021 jylǵy 16 qańtardan bastap engizildi.
Qyzanaq jemisteriniń Tomato brown rugose cfruit virus (ToBRFV) virýsy alqa tuqymdastary daqylynyń 30-70% ósiminiń tómendeýine alyp kelýi múmkin.
