Memleket basshysy Ázerbaijan Prezidenti Ilham Álievpen telefon arqyly sóilesti, dep habarlaidy "Ult aqparat" Aqordanyń baspasóz qyzmetine silteme jasap.
Ázerbaijan Respýblikasynyń Prezidenti Ilham Áliev Qasym-Jomart Toqaevty kezekten tys Prezident sailaýyndaǵy aiqyn jeńisimen quttyqtady.
Óz kezeginde Qasym-Jomart Toqaev Bakýge resmi sapary kezinde qol jetkizgen ýaǵdalastyqtar ekijaqty qarym-qatynasty jan-jaqty nyǵaitýda basty baǵdar bolatynyn atap ótti.
Memleketter basshylary sondai-aq qazaq-ázerbaijan strategiialyq seriktestigin odan ári damytý jónindegi birlesken mindetterdi talqylady.
