Ázerbaijan Respýblikasynyń Prezidenti Ilham Áliev Astanada ótetin iri halyqaralyq is-sharalarǵa qatysý úshin Qazaqstan Respýblikasyna keldi, dep habarlaidy "Ult aqparat" Úkimettiń baspasóz qyzmetine silteme jasap.
Qurmetti qonaqty elorda áýejaiynda Premer-Ministr Álihan Smaiylov qarsy aldy.
Ilham Áliev Aziiadaǵy ózara is-qimyl jáne senim sharalary jónindegi keńestiń VI sammitine jáne TMD memleketteri basshylary keńesiniń otyrysyna qatysady dep kútilip otyr.
Aita keteiik, 12-13 qazanda Astanada Aziiadaǵy ózara is-qimyl jáne senim sharalary jónindegi keńestiń VI sammiti ótedi. Sammitke Ázerbaijan, Irak, Iran, Qazaqstan, Katar, Qyrǵyzstan, Palestina, Resei, Tájikstan, Túrkiia, Ózbekstan jáne Belarýs basshylary, Vetnam vitse-prezidenti jáne QHR Tóraǵasynyń orynbasary qatysady.
Al 14 qazanda Astanada Dostastyqtyń joǵary organy – TMD memleketteri basshylary keńesiniń otyrysy ótedi. Is-shara barysynda TMD alańyndaǵy ózara is-qimyldyń ózekti máselelerin talqylaý, saýda-ekonomikalyq, mádeni-gýmanitarlyq salalardaǵy, sondai-aq qaýipsizdik salasyndaǵy integratsiialyq bailanystardy odan ári damytýǵa jáne nyǵaitýǵa baǵyttalǵan birqatar qujatty qaraý jáne qabyldaý josparlanǵan.
