2 jeltoqsanda Ázerbaijan parlamenti – Milli Mejilis taraý týraly sheshim qabyldady. Parlament el prezidenti Ilham Álievke qaiyrylyp, parlamenttiń ózin-ózi taratý týraly sheshimin qabyl alyp, elde kezekten tys sailaý ótkizýdi usyndy.
Bul sheshimdi 99 depýtat qoldap, bireý qarsy shyǵyp, bir depýtat qalys qaldy.
Daýysqa salý aldynda parlament spikeri Oktai Asadov «Jańa Ázerbaijan» bilik partiiasynyń úndeýin oqyp berdi. Úndeýde «Ázerbaijan prezidenti Ilham Álievtiń sońǵy aidaǵy saiasi reformalaryn, úkimettegi, ortalyq jáne jergilikti organdaǵy ózgeristerin halyq joǵary baǵalap jatyr. Parlamentte el prezidenti Álievtiń reformasynan qalys qalamaýy tiis» dep jazylǵan.
Ázerbaijanda kezekti parlament sailaýy 2020 jyly qarashada ótýi tiis edi. Endi kezekten tys parlament sailaýy qashan ótetinin prezident Áliev sheshedi.
Eldegi «Demokratiialyq kúshterdiń ulttyq keńesi» oppozitsiialyq partiiasy kezekten tys parlament sailaýyn ótkizýge qarsy shyqqan. Oppozitsiialyq kúshter bul qadam Áliev otbasynyń biligin nyǵaitý úshin jasalǵan dep sanaidy.
Biyl qazanda Ázirbaijan premer-ministri Novrýz Mamedov otstavkaǵa ketý týraly ótinish jazǵan. Onyń ornyna Álievtiń ekonomika máseleleri boiynsha keńesshisi Áli Asadov premer-ministr bolyp taǵaiyndalǵan.
Al 29 qarashada Ázerbaijandaǵy bilik partiiasy parlamentti taratýdy usynǵan.
2015 jylǵy sailaýdyń resmi qorytyndysy boiynsha Ilham Álievtiń partiiasy jeńimpaz dep tanylǵan edi. Ázerbaijannyń barlyq oppozitsiialyq partiialary sailaýǵa boikot jariialaǵan.
