2 جەلتوقساندا ەزەربايجان پارلامەنتٸ – ميللي مەجيليس تاراۋ تۋرالى شەشٸم قابىلدادى. پارلامەنت ەل پرەزيدەنتٸ يلحام ەليەۆكە قايىرىلىپ, پارلامەنتتٸڭ ٶزٸن-ٶزٸ تاراتۋ تۋرالى شەشٸمٸن قابىل الىپ, ەلدە كەزەكتەن تىس سايلاۋ ٶتكٸزۋدٸ ۇسىندى.
بۇل شەشٸمدٸ 99 دەپۋتات قولداپ, بٸرەۋ قارسى شىعىپ, بٸر دەپۋتات قالىس قالدى.
داۋىسقا سالۋ الدىندا پارلامەنت سپيكەرٸ وكتاي اسادوۆ «جاڭا ەزەربايجان» بيلٸك پارتيياسىنىڭ ٷندەۋٸن وقىپ بەردٸ. ٷندەۋدە «ەزەربايجان پرەزيدەنتٸ يلحام ەليەۆتٸڭ سوڭعى ايداعى ساياسي رەفورمالارىن, ٷكٸمەتتەگٸ, ورتالىق جەنە جەرگٸلٸكتٸ ورگانداعى ٶزگەرٸستەرٸن حالىق جوعارى باعالاپ جاتىر. پارلامەنتتە ەل پرەزيدەنتٸ ەليەۆتٸڭ رەفورماسىنان قالىس قالاماۋى تيٸس» دەپ جازىلعان.
ەزەربايجاندا كەزەكتٸ پارلامەنت سايلاۋى 2020 جىلى قاراشادا ٶتۋٸ تيٸس ەدٸ. ەندٸ كەزەكتەن تىس پارلامەنت سايلاۋى قاشان ٶتەتٸنٸن پرەزيدەنت ەليەۆ شەشەدٸ.
ەلدەگٸ «دەموكراتييالىق كٷشتەردٸڭ ۇلتتىق كەڭەسٸ» وپپوزيتسييالىق پارتيياسى كەزەكتەن تىس پارلامەنت سايلاۋىن ٶتكٸزۋگە قارسى شىققان. وپپوزيتسييالىق كٷشتەر بۇل قادام ەليەۆ وتباسىنىڭ بيلٸگٸن نىعايتۋ ٷشٸن جاسالعان دەپ سانايدى.
بيىل قازاندا ەزٸربايجان پرەمەر-مينيسترٸ نوۆرۋز مامەدوۆ وتستاۆكاعا كەتۋ تۋرالى ٶتٸنٸش جازعان. ونىڭ ورنىنا ەليەۆتٸڭ ەكونوميكا مەسەلەلەرٸ بويىنشا كەڭەسشٸسٸ ەلي اسادوۆ پرەمەر-مينيستر بولىپ تاعايىندالعان.
ال 29 قاراشادا ەزەربايجانداعى بيلٸك پارتيياسى پارلامەنتتٸ تاراتۋدى ۇسىنعان.
2015 جىلعى سايلاۋدىڭ رەسمي قورىتىندىسى بويىنشا يلحام ەليەۆتٸڭ پارتيياسى جەڭٸمپاز دەپ تانىلعان ەدٸ. ەزەربايجاننىڭ بارلىق وپپوزيتسييالىق پارتييالارى سايلاۋعا بويكوت جارييالاعان.
