Ázerbaijan men Armeniia Taýly Qarabaqtaǵy qaqtyǵys kezinde qaza tapqan sarbazdar máiitimen almasty. 29 qazanda eki tarap ta máiitter tapsyrylǵanyn rastady. Aqparat boiynsha, ázerbaijan jaǵy armian tarabyna 29 sarbazdyń denesin bergen.
Halyqaralyq qaýymdastyq taraptardy soǵysty toqtatyp, kelissóz ústeline otyrýǵa qaita-qaita shaqyrǵanmen odan nátije shyqqan joq. Sońǵy ret olardy AQSh tatýlastyrýǵa tyrysqan, alaida Baký men Erevan atysty toqtatý rejimin buzdy dep bir-birin kinálady.
Armeniia qorǵanys ministrliginiń resmi ókili Shýshan Stepaniannyń aitýynsha, máiit almasý protsesi “Reseidiń erekshe kúsh salýy men EQYU tóraǵasynyń jeke ýákili, Qyzyl krest uiymynyń qatysýymen" júzege asqan.
Armeniia “Artsah aýmaǵynda ázerbaijan áskerileriniń denesin tapsyrýǵa jáne máiitterdi jinaý, áskeri tutqyndar jaily aqparatpen bólisý, tutqyn almasý protsesin bastaýǵa daiyn ekenin taǵy bir márte eskertedi” dedi Stepanian.
Al Ázerbaijan prezidenti Ilham Álievtiń kómekshisi Hikmet Haliev shetel jýrnalisterine Baký bastamasymen jáne Resei kómegimen máiitter tapsyryldy dep málimdegen.
