Foto: akorda.kz
20025 jyl bitip, jańa 2026 jylǵa aiaq basqaly turmyz. Ótip bara jatqan jyl Qazaqstanda jáne álemde saiasi oqiǵalarǵa toly boldy. Saiasatker, Májilis depýtaty Azat Perýashevtiń pikirinshe biyl elimizdiń damýyna zor úles qosyp, saiasi arenada ózin erekshe kórsetken adam ‒ Qazaqstan Prezidenti Qasym-Jomart Toqaev. Sondyqtan da Perýashev Toqaevty «jyl adamy» dep ataǵysy keledi eken. Bul týraly Ult.kz habarlaidy.«Qazirgi almaǵaiyp kezeńde dostyq qarym qatynasty saqtap qana qoimai, ony ármen qarai damytý, investitsiia tartý, tehnologiia engizý, qarym qatynastyń jańa deńgeiine kóterilý ‒ úlken jumys. Qarańyzshy, Tramptyń ózi (AQSh prezidenti, red) bizdiń memleket basshymyzǵa Aq úidiń kiltin berip jiberdi. Bul simvoldyq turǵyda óte tamasha. Bizdiń Prezidentimizdiń Máskeýge sońǵy barǵan saparynda ony «Vashe Prevoshoditelstvo» («Joǵary mártebelim», qaz.red) dep qarsy alýy janǵa jylýlyq uialatady. Sondyqtan «jyl adamy» dep Prezident Toqaevty atar edim», ‒ dedi Azat Perýashev.
Al Parlamentte depýtat Dániia Mádiqyzy Espaevany bizneske qosqan úlesi men qajetti zańdar shyǵarýdaǵy jumysyn eskerip «jyl adamy» dep ataýǵa bolatynyn jetkizdi.
Eske sala keteiik, 2019 jyly Nursultan Nazarbaev Prezidenttik ókilettigin tapsyrǵan kezde Azat Perýashev kóz jasyna erik bergen bolatyn. Bul jaǵdai áli kúnge deiin jelide talqylanyp, depýtatqa osy týraly suraqtar qoiylady.
