فوتو: akorda.kz
20025 جىل بٸتٸپ, جاڭا 2026 جىلعا اياق باسقالى تۇرمىز. ٶتٸپ بارا جاتقان جىل قازاقستاندا جەنە ەلەمدە ساياسي وقيعالارعا تولى بولدى. ساياساتكەر, مەجٸلٸس دەپۋتاتى ازات پەرۋاشەۆتٸڭ پٸكٸرٸنشە بيىل ەلٸمٸزدٸڭ دامۋىنا زور ٷلەس قوسىپ, ساياسي ارەنادا ٶزٸن ەرەكشە كٶرسەتكەن ادام ‒ قازاقستان پرەزيدەنتٸ قاسىم-جومارت توقاەۆ. سوندىقتان دا پەرۋاشەۆ توقاەۆتى «جىل ادامى» دەپ اتاعىسى كەلەدٸ ەكەن. بۇل تۋرالى Ult.kz حابارلايدى.«قازٸرگٸ الماعايىپ كەزەڭدە دوستىق قارىم قاتىناستى ساقتاپ قانا قويماي, ونى ەرمەن قاراي دامىتۋ, ينۆەستيتسييا تارتۋ, تەحنولوگييا ەنگٸزۋ, قارىم قاتىناستىڭ جاڭا دەڭگەيٸنە كٶتەرٸلۋ ‒ ٷلكەن جۇمىس. قاراڭىزشى, ترامپتىڭ ٶزٸ (اقش پرەزيدەنتٸ, رەد) بٸزدٸڭ مەملەكەت باسشىمىزعا اق ٷيدٸڭ كٸلتٸن بەرٸپ جٸبەردٸ. بۇل سيمۆولدىق تۇرعىدا ٶتە تاماشا. بٸزدٸڭ پرەزيدەنتٸمٸزدٸڭ مەسكەۋگە سوڭعى بارعان ساپارىندا ونى «ۆاشە پرەۆوسحوديتەلستۆو» («جوعارى مەرتەبەلٸم», قاز.رەد) دەپ قارسى الۋى جانعا جىلۋلىق ۇيالاتادى. سوندىقتان «جىل ادامى» دەپ پرەزيدەنت توقاەۆتى اتار ەدٸم», ‒ دەدٸ ازات پەرۋاشەۆ.
ال پارلامەنتتە دەپۋتات دەنييا مەديقىزى ەسپاەۆانى بيزنەسكە قوسقان ٷلەسٸ مەن قاجەتتٸ زاڭدار شىعارۋداعى جۇمىسىن ەسكەرٸپ «جىل ادامى» دەپ اتاۋعا بولاتىنىن جەتكٸزدٸ.
ەسكە سالا كەتەيٸك, 2019 جىلى نۇرسۇلتان نازارباەۆ پرەزيدەنتتٸك ٶكٸلەتتٸگٸن تاپسىرعان كەزدە ازات پەرۋاشەۆ كٶز جاسىنا ەرٸك بەرگەن بولاتىن. بۇل جاعداي ەلٸ كٷنگە دەيٸن جەلٸدە تالقىلانىپ, دەپۋتاتقا وسى تۋرالى سۇراقتار قويىلادى.
