Azaptaýlar jáne ókilettigin asyra paidalaný faktileri boiynsha 243 qylmystyń is tirkeldi. Bul týraly Májilistiń jalpy otyrysynda Qazaqstandaǵy Adam quqyqtary jónindegi ýákil Elvira Ázimova aitty, dep habarlaidy QazAqparat.
«Meniń atyma kelip túsken azamattardyń 137 ótinishiniń ishinde 86-sy azaptaý nemese basqa qatygezdik áreketterge bailanysty. Resmi statistikaǵa súiensek, 2022 jyly 13 naýryzdaǵy azaptaýlar jáne ókilettigin asyra paidalaný faktileri boiynsha 243 qylmystyq is tirkeldi. Qazirgi ýaqytta biz quqyq qorǵaý organdarymen azaptaýlar úshin jaýapkershilikti qatańdatý jáne olarǵa jol bermeý tetikterin engizý máselesin talqylaýdamyz. Zań boiynsha azaptaýdy zorlyq-zombylyqty, qorqytýdy, sol siiaqty ózge de qatygez qarym-qatynasty qoldanylyp alynǵan dáleldemeler jaramsyz dep tanylady. Osyǵan bailanysty ustaý men tergeýdiń ruqsat etilmegen ádisteri týraly isterdi tergeýdi keshiktirmeý óte mańyzdy», - dedi ol qańtar oqiǵalaryna qatysty máseleler kóterilgen otyrysta.
Onyń atap ótýinshe, aldaǵy sot protsesteriniń ashyqtyǵy jáne oǵan táýelsiz baqylaýshylardyń qatysýy máselesi de ózekti.
«Bul másele boiynsha men Joǵarǵy sot tóraǵasyna jáne Bas prokýrorǵa júgindim. Sol qaiǵyly oqiǵalarǵa bailanysty adam ómirine qaýiptiń joǵary deńgeii bolǵany anyq. Jappai tártipsizdik saldarynan myńnan astam azamat túrli dárejede jaraqat aldy. Onyń ishinde myńnan astam azamat pen 3 myńnan astam quqyq qorǵaý organdarynyń qyzmetkeri bar. 238 adam mert boldy», - dedi Elvira Ázimova.
