Buǵan deiin qoldanylǵan bultartpaý sharalaryn jeńildetý boiynsha jumystar júrgizilip jatyr. Bul týraly Ortalyq kommýnikatsiialar qyzmetinde QR Bas prokýratýrasy 1-qyzmet bastyǵynyń orynbasary Eldos Qilymjanov aitty, dep habarlaidy QazAqparat.
«Prokýratýra organdary azamattyq uiymdardyń ókilderimen birlese qamaýǵa alynǵandardyń jáne ustalǵandardyń jaǵdaiyn kúndelikti tekserýde. Sonymen qatar, buǵan deiin qoldanylǵan bultartpaý sharalaryn jeńildetý boiynsha jumystar júrgizilýde. Jeke bastaryn, densaýlyq jaǵdaiyn jáne ózge de sipattaǵy materialdardy eskerip, 157 adamǵa qoldanylǵan qamaýǵa alý eshqaida ketpeý týraly qolhatqa, kepil, úiqamaq jáne jeke kepilgerlikke aýystyryldy. Kórsetilgen sandar túpkilikti emes, bultartpaý sharalaryn qaita qaraý jumystary jalǵasýda», - dedi Qilymjanov.
Munymen qosa ol prokýrorlar jappai tártipsizdikterge olardyń qatystylyǵy bolmaýyna bailanysty ýaqytsha ustaý abaqtylarynan 103 adamdy bosatylǵanyn jetkizdi.
Budan buryn habarlanǵandai, biyldyń 16 aqpanyndaǵy jaǵdai boiynsha Bas prokýratýranyń, Ishki ister ministrliginiń, Ulttyq qaýipsizdik komitetiniń jáne Sybailas jemqorlyqqa qarsy is-qimyl qyzmetiniń tergelýindegi barlyq qylmystyq ister boiynsha 741 kúdikti sot sanktsiiasymen qamaýda.
