بۇعان دەيٸن قولدانىلعان بۇلتارتپاۋ شارالارىن جەڭٸلدەتۋ بويىنشا جۇمىستار جٷرگٸزٸلٸپ جاتىر. بۇل تۋرالى ورتالىق كوممۋنيكاتسييالار قىزمەتٸندە قر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى, دەپ حابارلايدى قازاقپارات.
«پروكۋراتۋرا ورگاندارى ازاماتتىق ۇيىمداردىڭ ٶكٸلدەرٸمەن بٸرلەسە قاماۋعا الىنعانداردىڭ جەنە ۇستالعانداردىڭ جاعدايىن كٷندەلٸكتٸ تەكسەرۋدە. سونىمەن قاتار, بۇعان دەيٸن قولدانىلعان بۇلتارتپاۋ شارالارىن جەڭٸلدەتۋ بويىنشا جۇمىستار جٷرگٸزٸلۋدە. جەكە باستارىن, دەنساۋلىق جاعدايىن جەنە ٶزگە دە سيپاتتاعى ماتەريالداردى ەسكەرٸپ, 157 ادامعا قولدانىلعان قاماۋعا الۋ ەشقايدا كەتپەۋ تۋرالى قولحاتقا, كەپٸل, ٷيقاماق جەنە جەكە كەپiلگەرلٸككە اۋىستىرىلدى. كٶرسەتٸلگەن ساندار تٷپكٸلٸكتٸ ەمەس, بۇلتارتپاۋ شارالارىن قايتا قاراۋ جۇمىستارى جالعاسۋدا», - دەدٸ قيلىمجانوۆ.
مۇنىمەن قوسا ول پروكۋرورلار جاپپاي تەرتٸپسٸزدٸكتەرگە ولاردىڭ قاتىستىلىعى بولماۋىنا بايلانىستى ۋاقىتشا ۇستاۋ اباقتىلارىنان 103 ادامدى بوساتىلعانىن جەتكٸزدٸ.
بۇدان بۇرىن حابارلانعانداي, بيىلدىڭ 16 اقپانىنداعى جاعداي بويىنشا باس پروكۋراتۋرانىڭ, ٸشكٸ ٸستەر مينيسترلٸگٸنٸڭ, ۇلتتىق قاۋٸپسٸزدٸك كوميتەتٸنٸڭ جەنە سىبايلاس جەمقورلىققا قارسى ٸس-قيمىل قىزمەتٸنٸڭ تەرگەلۋٸندەگٸ بارلىق قىلمىستىق ٸستەر بويىنشا 741 كٷدٸكتٸ سوت سانكتسيياسىمەن قاماۋدا.
