QR Premer-Ministri Asqar Maminniń tóraǵalyǵymen ótken Úkimet otyrysynda azamattyq aviatsiiany damytý máseleleri jáne áýe biletteriniń baǵasyn odan ári tómendetý sharalary qaraldy.
Saladaǵy jaǵdai týraly QR indýstriia jáne infraqurylymdyq damý ministri B. Atamqulov, «Samuryq-Qazyna» AQ kólik jáne logistika jónindegi basqarýshy direktory Q. Alpysbaev, QR energetika ministri Q. Bozymbaev, «Eir Astana» AQ prezidenti P. Foster baiandady, dep habarlaidy "Ult aqparat".
Qazaqstanda jolaýshylardy avia tasymaldaý kólemi ósýde — osy jyldyń 8 aiynda azamattyq aviatsiiada 5,6 mln jolaýshy tasymaldandy, bul ótken jyldyń sáikes kezeńimen salystyrǵanda 1,8%-ǵa artyq.
Ushý geografiiasy keńeitilip jatyr — Qazaqstan 99 halyqaralyq baǵytta 24 shet elmen áýe qatynasyn júzege asyrady, sonyń ishinde 2019 jyly Nur-Sultannan Tokioǵa, Pragaǵa, Ulan-Batyrǵa baǵdarlar ashyldy. 9 álemdik qarjy ortalyqtarymen turaqty áýe qatynasy ornatylǵan.
Avia biletterdiń baǵasyn tómendetý maqsatynda arzan baǵaly áýe kompaniiasy – «FlyArystan» loýkosteri ashyldy, onda osy jyldyń mamyr aiynan bastap 450 myńnan astam bilet satyldy, olardyń 60%-ǵa jýyǵy 10 myń teńgege deiin minimaldy tarifter boiynsha satylǵan. Jaqyn ýaqytta Nur-Sultannan Pavlodar, Semei jáne Shymkent qalalaryna bilet baǵasy 5999 teńgeden bastalatyn jańa reister ashylady. Pavlodarǵa optsiondyq tarifter 999 teńgeden bastap satylýda. 2020 jyldyń sońyna deiin loýkoster Máskeýge halyqaralyq bailanystar asha otyryp, kóptegen óńir ortalyqtaryna ushatyn bolady.
«Samuryq-Qazyna» AQ kólik jáne logistika jónindegi basqarýshy direktory Q. Alpysbaevtyń aitýynsha, «FlyArystan»-nyń ortasha tarifi 1 km-ge Eýropalyq loýkosterler tarifterinen 4 esege tómen.
Biyl qazaqstandyq MÓZ-derdi jańǵyrtýdyń arqasynda aviatsiialyq otyn óndirý kólemi 2018 jylǵy óndirispen salystyrǵanda 694 myń tonnaǵa nemese 1,8 esege ósti. Bul otandyq munai óńdeý zaýyttary esebinen ishki naryqtyń qajettilikterin tolyq qamtamasyz etýge múmkindik beredi.
«Halyqty sapaly, qaýipsiz jáne qoljetimdi avia qyzmettermen qamtamasyz etý – Elbasy men Memleket basshysynyń bizdiń aldymyzǵa qoiyp otyrǵan mańyzdy mindetteriniń biri», — dedi A. Mamin.
Premer-Ministr 2020 jyly Shanhai men Singapýrǵa reis ashý boiynsha jumysty jalǵastyrýdy, sondai-aq, Niý-Iorkke ushý úshin otandyq aviakompaniialardy akkreditteý rásimin aiaqtaýdy, osy jyldyń sońyna deiin Qostanai jáne Balqash áýejailarynyń ushý-qoný jolaǵynyń rekonstrýktsiiasyn aiaqtaýdy, belgilengen merzimde Túrkistandaǵy áýejai qurylysy men Shymkenttegi terminal qurylysyn aiaqtaýdy, óńirlerde shaǵyn aviatsiia men aerodromdardy damytý jónindegi baǵdarlamany ázirleýdi jáne qabyldaýdy jedeldetýdi tapsyrdy.
Úkimet basshysy otandyq áýejailarda sheteldik aviakompaniialar úshin «ashyq aspan» rejimin usyný jumysyn belsendi júrgizýdi tapsyrdy, bul jańa sheteldik aviakompaniialardy tartýǵa, baǵyttardy kóbeitýge, aviakompaniialar arasyndaǵy básekelestikti arttyrýǵa múmkindik beredi. Al bul tiisinshe aviabilet qunynyń tómendeýine áser etedi. Bilet baǵasynyń 20%-nan astamyn avia otyn shyǵystary quraityny belgili, sondyqtan ulttyq ekonomika, energetika, indýstriia jáne infraqurylymdyq damý ministrlikterine aviakerosinge baǵa belgileý máselesin pysyqtaý tapsyryldy.
Premer-Ministr «Samuryq-Qazyna» qoryna 2020 jyly memlekettik holdingtiń basqarýyndaǵy aviakompaniialardyń áýe kemeleri parkin ulǵaitýdy jáne olardyń ushý geografiiasyn keńeitýdi qamtamasyz etýdi tapsyrdy.
«Kórip otyrǵanymyzdai, aviabiletter baǵasyn tómendetýge baǵyttalǵan jumys nátijelerin berýde. Bul jumysty barlyq otandyq aviakompaniialarmen birlesip jalǵastyrý qajet», — dep túiindedi A. Mamin.
.jpeg)