Biyl Túrkistan qalasynyń jańa halyqaralyq áýejaiy paidalanýǵa beriledi. Bul týraly QR Indýstriia jáne infraqurylymdyq damý ministrligi Avtomobil joldary komitetiniń tóraǵasy Sairanbek Barmaqov aitty, dep habarlaidy QazAqparat.
«Azamattyq aviatsiia salasynda 2020 jyly qańtar-maýsym kezeńinde jolaýshylar aǵynynyń kórsetkishi 2,3 mln adamdy qurady. Bul ótken jyldyń sáikes kezeńindegi kórsetkishten 38 paiyzǵa az. Bul kórsetkish koronavirýs indetiniń taralýyn azaitý boiynsha engizilgen shekteýlerge bailanysty tómendep otyr», - dedi komitet tóraǵasy Ortalyq kommýnikatsiialar qyzmetindegi baspasóz máslihatynda.
Onyń dereginshe, biyl Túrkistan qalasynda jańa halyqaralyq áýejai iske qosylady dep josparlanǵan. Al Óskemen qalasy áýejaiynyń ushý-qoný jolaǵyn qaita jańartý bastaldy. Sondai-aq, Shymkent qalasyndaǵy áýejaidyń jańa terminalynyń qurylysy jáne Oral qalasy áýejaiynyń aerovokzal keshenin qaita jańartý jalǵasady.
«Ishki týrizmdi damytý aiasynda qarjy bólingen jaǵdaida Úrjar jáne Úsharal qalalaryndaǵy áýejaidyń ushý-qoný jolaqtaryn qaita jańartý bastalady», - dedi Sairanbek Barmaqov.
