بيىل تٷركٸستان قالاسىنىڭ جاڭا حالىقارالىق ەۋەجايى پايدالانۋعا بەرٸلەدٸ. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترلٸگٸ اۆتوموبيل جولدارى كوميتەتٸنٸڭ تٶراعاسى سايرانبەك بارماقوۆ ايتتى, دەپ حابارلايدى قازاقپارات.
«ازاماتتىق اۆياتسييا سالاسىندا 2020 جىلى قاڭتار-ماۋسىم كەزەڭٸندە جولاۋشىلار اعىنىنىڭ كٶرسەتكٸشٸ 2,3 ملن ادامدى قۇرادى. بۇل ٶتكەن جىلدىڭ سەيكەس كەزەڭٸندەگٸ كٶرسەتكٸشتەن 38 پايىزعا از. بۇل كٶرسەتكٸش كوروناۆيرۋس ٸندەتٸنٸڭ تارالۋىن ازايتۋ بويىنشا ەنگٸزٸلگەن شەكتەۋلەرگە بايلانىستى تٶمەندەپ وتىر», - دەدٸ كوميتەت تٶراعاسى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ دەرەگٸنشە, بيىل تٷركٸستان قالاسىندا جاڭا حالىقارالىق ەۋەجاي ٸسكە قوسىلادى دەپ جوسپارلانعان. ال ٶسكەمەن قالاسى ەۋەجايىنىڭ ۇشۋ-قونۋ جولاعىن قايتا جاڭارتۋ باستالدى. سونداي-اق, شىمكەنت قالاسىنداعى ەۋەجايدىڭ جاڭا تەرمينالىنىڭ قۇرىلىسى جەنە ورال قالاسى ەۋەجايىنىڭ اەروۆوكزال كەشەنٸن قايتا جاڭارتۋ جالعاسادى.
«ٸشكٸ تۋريزمدٸ دامىتۋ اياسىندا قارجى بٶلٸنگەن جاعدايدا ٷرجار جەنە ٷشارال قالالارىنداعى ەۋەجايدىڭ ۇشۋ-قونۋ جولاقتارىن قايتا جاڭارتۋ باستالادى», - دەدٸ سايرانبەك بارماقوۆ.
