«Azamattarǵa arnalǵan úkimet» memlekettik korporatsiiasy» KEAQ basqarma tóraǵasy Súienish Ábdildin Shymkent qalasyndaǵy HQO-ǵa júrgizilgen tintýge qatysty túsinik berdi, dep habarlaidy QazAqparat agenttigi.
Onyń aitýynsha, máseleniń mán-jaiyn anyqtaý úshin Ulttyq qaýipsizdik komitetine hat joldanǵan. Ábdildin atap ótkendei, ázirge jaýap joq.
Sondai-aq, ol biyl naýryzda «Azamattarǵa arnalǵan úkimettiń» qyzmetkerleri ustaldy degen aqparatqa qatysty jaýap berdi.
«Eshkim ustalǵan joq», - dedi Súienish Ábdildin Májilistiń jalpy otyrysynan keiin BAQ ókilderiniń saýalyna jaýap bere otyryp.
Memlekettik korporatsiia basshysy sol kúni Qarjylyq monitoring agenttigi qyzmetkerleriniń suraqtaryna jaýap bergenin málimdedi. Olardyń qandai saýal qoiǵanyn agenttikten anyqtaý qajettigin aitty. Ol jaýap alýǵa kýáger retinde qatysqan.
Qazirgi ýaqytta «Azamattarǵa arnalǵan úkimet» shtattyq rejimde jumys istep tur.
Eske sala ketsek, atalǵan oqiǵanyń videosy birneshe kún buryn áleýmettik jelide qyzý talqyǵa túsken edi. Onda kúsh qurylymdarynyń qyzmetkerleri esikti syndyryp, kabinetten eshkimdi tappai shyǵyp ketedi.
