«ازاماتتارعا ارنالعان ٷكٸمەت» مەملەكەتتٸك كورپوراتسيياسى» كەاق باسقارما تٶراعاسى سٷيەنٸش ەبدٸلدين شىمكەنت قالاسىنداعى حقو-عا جٷرگٸزٸلگەن تٸنتۋگە قاتىستى تٷسٸنٸك بەردٸ, دەپ حابارلايدى قازاقپارات اگەنتتٸگٸ.
ونىڭ ايتۋىنشا, مەسەلەنٸڭ مەن-جايىن انىقتاۋ ٷشٸن ۇلتتىق قاۋٸپسٸزدٸك كوميتەتٸنە حات جولدانعان. ەبدٸلدين اتاپ ٶتكەندەي, ەزٸرگە جاۋاپ جوق.
سونداي-اق, ول بيىل ناۋرىزدا «ازاماتتارعا ارنالعان ٷكٸمەتتٸڭ» قىزمەتكەرلەرٸ ۇستالدى دەگەن اقپاراتقا قاتىستى جاۋاپ بەردٸ.
«ەشكٸم ۇستالعان جوق», - دەدٸ سٷيەنٸش ەبدٸلدين مەجٸلٸستٸڭ جالپى وتىرىسىنان كەيٸن باق ٶكٸلدەرٸنٸڭ ساۋالىنا جاۋاپ بەرە وتىرىپ.
مەملەكەتتٸك كورپوراتسييا باسشىسى سول كٷنٸ قارجىلىق مونيتورينگ اگەنتتٸگٸ قىزمەتكەرلەرٸنٸڭ سۇراقتارىنا جاۋاپ بەرگەنٸن مەلٸمدەدٸ. ولاردىڭ قانداي ساۋال قويعانىن اگەنتتٸكتەن انىقتاۋ قاجەتتٸگٸن ايتتى. ول جاۋاپ الۋعا كۋەگەر رەتٸندە قاتىسقان.
قازٸرگٸ ۋاقىتتا «ازاماتتارعا ارنالعان ٷكٸمەت» شتاتتىق رەجيمدە جۇمىس ٸستەپ تۇر.
ەسكە سالا كەتسەك, اتالعان وقيعانىڭ ۆيدەوسى بٸرنەشە كٷن بۇرىن ەلەۋمەتتٸك جەلٸدە قىزۋ تالقىعا تٷسكەن ەدٸ. وندا كٷش قۇرىلىمدارىنىڭ قىزمەتكەرلەرٸ ەسٸكتٸ سىندىرىپ, كابينەتتەن ەشكٸمدٸ تاپپاي شىعىپ كەتەدٸ.
