Bankter aqsha aýdarymdary týraly málimetterdi memlekettik kiris organdaryna beretin bolady. 2025 jylǵa deiin tabysy týraly salyq organdaryna aqparat beriletin adamdar tizimi keńeiedi dep josparlanyp otyr. Bul týraly Sputnik Qazaqstan habarlady.
"2022 jyldyń 1 qańtarynan bastap memlekettik qyzmetkerler men olarǵa teńestirilgender jáne olardyń jubaiy boiynsha aqparat beriledi", - delingen memlekettik kirister komitetiniń aqparatynda.
Salyq kodeksi aiasynda 2025 jylǵa deiin ekinshi deńgeidegi bankter memlekettik kiris organdaryna jeke tulǵalardyń mynadai sanattary boiynsha kezeń-kezeńmen aqparat beredi:
1-kezeń.
2022 jyldyń 1 qańtarynan bastap memlekettik qyzmetkerler men olarǵa teńestirilgender jáne olardyń jubaiy boiynsha aqparat beriledi.
2-kezeń.
2023 jyldyń 1 qańtarynan bastap biýdjettik mekemelerdiń qyzmetkerleri jáne olardyń jubaiy, kvazimemlekettik sektor sýbektileriniń qyzmetkerleri jáne olardyń jubaiy boiynsha aqparat beriledi.
3-kezeń.
2024 jyldyń 1 qańtarynan bastap zańdy tulǵalardyń basshylary, quryltaishylary jáne olardyń jubaiy, jeke kásipkerler (IP) jáne olardyń jubaiy
4-kezeń.
2025 jyldyń 1 qańtarynan bastap halyqtyń qalǵan barlyq sanaty boiynsha aqparat beriledi.
Qandai aýdarymdarǵa salyq salynady
Jeke tulǵanyń banktik shotyna 3 kúntizbelik ai qatarynan ár túrli 100 jáne odan kóp adamnan aqsha tússe, salyq salynady. Óitkeni bul kásipkerlik qyzmetti júzege asyrýdan kiris alý belgisi bolyp sanalady.
