Oi-pikirimiz qandai bolsa da – Táýelsizdigimizge keri áseri bolmaýy kerek. «Baitaq bolashaq» ekologiialyq aliansynyń tóraǵasy Azamathan Ámirtaev QR Prezidenti Qasym-Jomart Toqaevtyń «Egemen Qazaqstan» gazetinde jariialanǵan maqalasyna qatysty osyndai pikir bildirdi, dep habarlaidy QazAqparat.
«Memleket basshysy maqalasynda Táýelsizdigimiz tóbeden túspegendigin, babamyzdan qalǵan amanat ekenin aityp, ulttyq qundylyq máselelerine tereńinen qaraǵan. Rasymen de memleketimizdi kúsheitý úshin eń aldymen ulttyq rýhymyzdy kóterýimiz kerek. Al ulttyq rýh tarihi tamyrymyzben tyǵyz bailanysty. Prezident osy máselege kóp kóńil bólýde», - deidi Azamathan Ámirtaev.
Ol Prezident maqalasynda jazylǵan oidyń bárimen kelisetinin aitty.
«Biz Keńes Odaǵy tusynda óstik. Biz oqyǵan tarihtyń ózi Keńes Odaǵy tarihshylary jazǵan eńbek edi. Biz sol kezeńde bolmaǵan rýhymyzdy jańǵyrtýymyz kerek. Biz keń baitaq jerde turǵan batyr babalardyń urpaǵymyz. Qazirgi ýaqytta tarihi filmder túsirilip jatyr. Bul da óte durys bastama dep sanaimyn. Bizdiń Prezidentimiz myqty diplomat, myqty saiasatker. Ol ulttyq ideologiiany qalai júrgizý kerktigin jaqsy biledi», - deidi ol.
Sondai-aq, ol Memleket basshysy saiasi reformalarǵa qatysty oryndy oilar jazǵanyn aitty.
«Álem ózgerip jatqan kezde Qazaqstan sol baiaǵy josparly ekonomikamen, tek qana munaidan túsken qarjyny jaratyp ómir súre almaidy. Sondyqtan bizge saiasi, ekonomikalyq reforma mindetti túrde kerek. Prezident elimizde kóp partiia bolý kerektigin, pikir de, kózqaras ta áralýan bolǵany durys ekenin, biraq sonyń bári ulttyq qundylyqtarǵa qatysty bir jerde toǵysýy kerektigin aitty. Demek, oi-pikirimiz qandai bolsa da – Táýelsizdigimizge keri áseri bolmaýy kerek. Saiasi reforma – zaman talaby. Memleket basshysynyń tórtinshi onjyldyqqa qoiǵan maqsat, baǵdary – durys, endi onyń iske asýyn qoǵam bolyp qoldaýymyz kerek», - deidi ol.
Eske sala ketsek, búgin Qazaqstan Respýblikasynyń Prezidenti Qasym-Jomart Toqaev «Egemen Qazaqstan» gazetinde «Táýelsizdik bárinen qymbat» atty maqala jariialady.
