Foto:brod.kz
"Qazaqfilm" kinostýdiiasynyń basshysy, akter Azamat Satybaldy jalaqy ala almai júrgen animatorlarǵa qatysty málimdeme jasap, ony áleýmettik jelidegi paraqshasyna jariialady, -dep habarlaidy "Ult Aqparat".
Ol “Jalǵan aqparatqa júieli jaýap” dep mynandai jaýap qaitardy:
"1. Qazaqfilm men Qazaqanimatsiia qyzmetkerleri ailyqtaryn tolyq alyp otyr.
2. Bul – Altyn adam jobasynyń shyǵarmashylyq toby. Ailyq emes, qalamaqy. (Gonorar)
3. Joba 2019 jyly bastalǵan. Bes jyl sozylyp, bitpei kele jatyr. Sońǵy merzim boiynsha 2023-te bitýi kerek eken.
4. Aqshasy 90% tólengen.
5. 10%-y qalǵan.
6. Bul joba – ulttyq kinony qoldaý ortalyǵynyń tapsyrysy.
7. Qazaqfilm – oryndaýshy organ. Qazaqfilm de qarajatyn ala almai, zardap shegip otyr.
8. Kino ortalyǵy jobany qabyldamady. Ol jerde eksperttik keńes bar.
9. Sodan keiin sot protsesi bastaldy.
10. Bul – júieli shara. Bárin zańdastyrý úshin.
11. 20 maýsym kúni ulttyq kinony qoldaý ortalyǵynyń bastyǵy Qurmanbek myrzamen kezdesý ótti. Sol jerde ortaq sheshimge keldi. Jobanyń rejisseri men avtorlary qol alysyp, kelisti.
12. Qazaqfilm sol baǵytta jumysyn bastap ketti", – dep jazdy Azamat Satybaldy.
