فوتو:brod.kz
"قازاقفيلم" كينوستۋديياسىنىڭ باسشىسى, اكتەر ازامات ساتىبالدى جالاقى الا الماي جٷرگەن انيماتورلارعا قاتىستى مەلٸمدەمە جاساپ, ونى ەلەۋمەتتٸك جەلٸدەگٸ پاراقشاسىنا جارييالادى, -دەپ حابارلايدى "ۇلت اقپارات".
ول “جالعان اقپاراتقا جٷيەلٸ جاۋاپ” دەپ مىنانداي جاۋاپ قايتاردى:
"1. قازاقفيلم مەن قازاقانيماتسييا قىزمەتكەرلەرٸ ايلىقتارىن تولىق الىپ وتىر.
2. بۇل – التىن ادام جوباسىنىڭ شىعارماشىلىق توبى. ايلىق ەمەس, قالاماقى. (گونورار)
3. جوبا 2019 جىلى باستالعان. بەس جىل سوزىلىپ, بٸتپەي كەلە جاتىر. سوڭعى مەرزٸم بويىنشا 2023-تە بٸتۋٸ كەرەك ەكەن.
4. اقشاسى 90% تٶلەنگەن.
5. 10%-ى قالعان.
6. بۇل جوبا – ۇلتتىق كينونى قولداۋ ورتالىعىنىڭ تاپسىرىسى.
7. قازاقفيلم – ورىنداۋشى ورگان. قازاقفيلم دە قاراجاتىن الا الماي, زارداپ شەگٸپ وتىر.
8. كينو ورتالىعى جوبانى قابىلدامادى. ول جەردە ەكسپەرتتٸك كەڭەس بار.
9. سودان كەيٸن سوت پروتسەسٸ باستالدى.
10. بۇل – جٷيەلٸ شارا. بەرٸن زاڭداستىرۋ ٷشٸن.
11. 20 ماۋسىم كٷنٸ ۇلتتىق كينونى قولداۋ ورتالىعىنىڭ باستىعى قۇرمانبەك مىرزامەن كەزدەسۋ ٶتتٸ. سول جەردە ورتاق شەشٸمگە كەلدٸ. جوبانىڭ رەجيسسەرٸ مەن اۆتورلارى قول الىسىپ, كەلٸستٸ.
12. قازاقفيلم سول باعىتتا جۇمىسىن باستاپ كەتتٸ", – دەپ جازدى ازامات ساتىبالدى.
