Mádeniet jáne sport ministrliginiń baspasóz qyzmeti
Tanymal akter Azamat Satybaldy Sháken Aimanov atyndaǵy «Qazaqfilm» AQ prezidenti qyzmetine taǵaiyndaldy, - dep habarlaidy "Ult aqparat" Mádeniet jáne sport ministrligine silteme jasap.
Jańa basshyny kinostýdiia ujymyna Mádeniet jáne sport ministri Ashat Oralov tanystyrdy. Ministr «Qazaqfilm» kinostýdiiasynyń jumysyn úilestirý abyroily ári jaýapty mindet ekenin aitty.
«Otandyq kinoóneriniń «qara shańyraǵy» sanalatyn Qazaqfilm - aýqymdy jáne kúrdeli óndiristik uiym. Byltyr kinostýdiia janynan «Qazaqanimatsiia» shyǵarmashylyq birlestigi quryldy. Memleket basshysynyń kinostýdiia jumysyn jańǵyrtý jónindegi tapsyrmasyn júzege asyrý aiasynda 87 tehnikalyq jabdyq satyp alyndy. Aldaǵy ýaqytta, modernizatsiianyń 2 kezeńin bastaý kerek», - dedi Oralov.
Ol ministrlik 2030 jylǵa qarai jalpy kinoprokattaǵy otandyq filmderdiń, onyń ishinde animatsiialyq filmderdiń úlesin 35%-ǵa deiin ulǵaitýǵa nietti ekenin málimdedi. Bul rette prokattaǵy qazaq tilindegi filmderdiń úlesin 30%-ǵa deiin jetkizý kózdelip otyr. Ministr kinostýdiianyń jańa basshysy men ujymyna sáttilik tilep, tabysty jumys atqaratynyna senim bildirdi.
Aita keteiik, Azamat Satybaldy uzaq ýaqyt M.Áýezov atyndaǵy Qazaq memlekettik akademiialyq drama teatrynda eńbek etti. Sondai-aq Ǵabit Músirepov atyndaǵy qazaq memlekettik akademiialyq balalar men jasóspirimder teatryn 3 jyl boiy basqardy. Búgingi kúnge deiin, Temirbek Júrgenov atyndaǵy Qazaq ulttyq óner akademiiasynyń rektory qyzmetin atqaryp kelgen.
Ol 1977 jyly Jambyl oblysy, Lýgovoe aýylynda dúniege kelgen. T. Júrgenov atyndaǵy Qazaq ulttyq óner akademiiasyn bitirgen.
