مەدەنيەت جەنە سپورت مينيسترلٸگٸنٸڭ باسپاسٶز قىزمەتٸ
تانىمال اكتەر ازامات ساتىبالدى شەكەن ايمانوۆ اتىنداعى «قازاقفيلم» اق پرەزيدەنتٸ قىزمەتٸنە تاعايىندالدى, - دەپ حابارلايدى "ۇلت اقپارات" مەدەنيەت جەنە سپورت مينيسترلٸگٸنە سٸلتەمە جاساپ.
جاڭا باسشىنى كينوستۋدييا ۇجىمىنا مەدەنيەت جەنە سپورت مينيسترٸ اسحات ورالوۆ تانىستىردى. مينيستر «قازاقفيلم» كينوستۋديياسىنىڭ جۇمىسىن ٷيلەستٸرۋ ابىرويلى ەرٸ جاۋاپتى مٸندەت ەكەنٸن ايتتى.
«وتاندىق كينوٶنەرٸنٸڭ «قارا شاڭىراعى» سانالاتىن قازاقفيلم - اۋقىمدى جەنە كٷردەلٸ ٶندٸرٸستٸك ۇيىم. بىلتىر كينوستۋدييا جانىنان «قازاقانيماتسييا» شىعارماشىلىق بٸرلەستٸگٸ قۇرىلدى. مەملەكەت باسشىسىنىڭ كينوستۋدييا جۇمىسىن جاڭعىرتۋ جٶنٸندەگٸ تاپسىرماسىن جٷزەگە اسىرۋ اياسىندا 87 تەحنيكالىق جابدىق ساتىپ الىندى. الداعى ۋاقىتتا, مودەرنيزاتسييانىڭ 2 كەزەڭٸن باستاۋ كەرەك», - دەدٸ ورالوۆ.
ول مينيسترلٸك 2030 جىلعا قاراي جالپى كينوپروكاتتاعى وتاندىق فيلمدەردٸڭ, ونىڭ ٸشٸندە انيماتسييالىق فيلمدەردٸڭ ٷلەسٸن 35%-عا دەيٸن ۇلعايتۋعا نيەتتٸ ەكەنٸن مەلٸمدەدٸ. بۇل رەتتە پروكاتتاعى قازاق تٸلٸندەگٸ فيلمدەردٸڭ ٷلەسٸن 30%-عا دەيٸن جەتكٸزۋ كٶزدەلٸپ وتىر. مينيستر كينوستۋدييانىڭ جاڭا باسشىسى مەن ۇجىمىنا سەتتٸلٸك تٸلەپ, تابىستى جۇمىس اتقاراتىنىنا سەنٸم بٸلدٸردٸ.
ايتا كەتەيٸك, ازامات ساتىبالدى ۇزاق ۋاقىت م.ەۋەزوۆ اتىنداعى قازاق مەملەكەتتٸك اكادەمييالىق دراما تەاترىندا ەڭبەك ەتتٸ. سونداي-اق عابيت مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترىن 3 جىل بويى باسقاردى. بٷگٸنگٸ كٷنگە دەيٸن, تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىنىڭ رەكتورى قىزمەتٸن اتقارىپ كەلگەن.
ول 1977 جىلى جامبىل وبلىسى, لۋگوۆوە اۋىلىندا دٷنيەگە كەلگەن. ت. جٷرگەنوۆ اتىنداعى قازاق ۇلتتىق ٶنەر اكادەميياسىن بٸتٸرگەن.
