«Nur Otan» partiiasy Aqmola oblystyq filialy tóraǵasynyń orynbasary Azamat Birjanov Prezidenttik jastar kadr rezervi týraly pikir bildirdi, dep habarlaidy QazAqparat.
Azamat Birjanovtyń aitýynsha, elimiz úshin ótken jyldyń jáne biylǵy jyldyń mán-mańyzy erekshe. Elbasy Nursultan Ábishuly Nazarbaevtyń bastamasymen barsha el bolyp Jastar jylyn ótkizildi. Aldymyzda Eriktilikter jyly – igi isterdiń jyly bolmaq. Elimizde patriottardyń jańa býyny qalyptasady degen senim mol. Memleket bilimdi ári básekege qabiletti urpaq tárbieleý isine airyqsha mán berip otyr. Jalpy, elimizdegi bastamalardyń barlyǵy jas býynnyń jarqyn bolashaǵy úshin qolǵa alyndy.
«Jastarymyzdyń jan-jaqty damýyna jaǵdai jasaldy. Endi ynta jastardyń qolynda. Biznes jasaimyn deseń az paiyzdyq mólsherlememen nesie berilýde, aýylǵa baryp qyzmet etem deseń «Diplommen aýylǵa!» baǵdarlamasy qarqyn alyp jatyr. Tek Aqmola oblysy boiynsha ǵana 4,5 myń jas maman bul baǵdarlamamen qyzmetin jasap júr, bilimimdi shyńdaimyn deseń «Bolashaq» baǵdarlamasy arqyly kez kelgen memleketke esik ashyq. Al byltyrdan bastap saiasat pen memlekettik basqarý júiesinde qyzmet etip, jańa ideia men nátijeli jumys jasap, el damýyna paidasy tigizemin deitin jastarǵa Prezidenttik jastar kadrlyq rezervine jol ashyq», - deidi Azamat Birjanov.
Osy rette, ol bul meritokratiia men ashyqtyqtyń aiqyn belgisi ekenin aitýda. Memleket basshysy Qasym-Jomart Toqaevtyń Sailaýaldy baǵdarlamasynda aitylǵan bul jobaǵa árbir jas azamat baq synap, alǵa shyǵýy múmkin.
«Osynyń dáleli 300 jastarymyz «Júzden – júirik, myńnan – tulpar» bolyp, úzdik atandy. Men de táýekelge bel býyp qatystym, barlyǵy da aitarlyqtai ońai, talaptary men sharty túsinikti. Uly Abaidyń «Paida oilama, ar oila, Talap qyl artyq bilýge» degen ósietin únemi este ustai otyryp, basqa da jastarmen baq synaýǵa kirsip, ekinshi kezeńnen shalyndym. Barlyǵy da durys, ádiletti ótti. Testileýde suraqtarǵa jaýap bergenshe ýaqytym taýysylyp, 29 ball ǵana jinap shekti deńgeidi óte almadym. Esh moiymaimyn, kelesi jylǵa daiyndalyp, ózimdi qaita synamaqpyn. Elimizdiń barlyq jastaryna týǵan elimizdi sheksiz qadirlep, oǵan adal qyzmet etip, ultjandy, otanshyl patriot retinde kúsh-jigerimizdi Qazaqstandy jańa belesterge kóterýge jumsaiyq. Ultqa qyzmet etý bilimnen emes, minezden!» - dep túiindedi Azamat Birjanov.
.jpeg)