QR Úkimetiniń Qaýlysymen Ámirǵaliev Azamat Halimedenuly Qazaqstan Respýblikasy ádilet vitse-ministri bolyp taǵaiyndaldy, dep habarlaidy "Ult aqparat" QR Premer- Ministriniń baspasóz qyzmetine silteme jasap.
Azamat Ámirǵaliev 1976 jyly Almaty qalasynda týǵan.
1998 jyly Qazaq quqyqtaný jáne halyqaralyq qatynastar institýtyn, 2018 jyly Innovatsiialyq Eýraziia ýniversitetin jáne MVA Halyqaralyq biznes mektebin bitirgen.
1998 jyldan 2006 jylǵa deiin Qazaqstan Respýblikasy Ádilet ministrliginiń qurylymynda túrli laýazymdarda jumys istedi.
2006-2009 jyldary — QR Parlamenti Májilisiniń zańnama bóliminiń meńgerýshisiniń orynbasary. 2009-2011 jyldary — «Alians Bank» AQ korporativtik hatshysy.
2011-2019 jyldary — Qazaqstan Respýblikasy Prezident Is basqarmasy apparatynyń basshysy, zań bólimi meńgerýshisiniń mindetin ýaqytsha atqarýshy, zań bóliminiń meńgerýshisi.
2019 jylǵy naýryz aiynan bastap qazirge deiin QR Ádilet ministrliginiń jaýapty hatshysy qyzmetin atqardy.
