Elordada áleýmettik jaǵynan az qamtylǵan tulǵalar qoǵamdyq kólikte tegin júrýi úshin 3 mlrd teńge bólinedi. Bul týraly Nur-Sultan qalalyq Jumyspen qamtý jáne áleýmettik qorǵaý basqarmasy basshysynyń mindetin atqarýshy Ilia Skýb aitty, dep habarlaidy QazAqaparat.
«STC áleýmettik jaǵynan az qamtylǵan azamattarǵa qoǵamdyq kólikte júrýge arnalǵan kartalar beredi. Olar validatsiia jasaý esebinen qoǵamdyq kólik baǵdarlarynda qatynaityn bolady. Mundai kartany zeinetkerler, kópbalaly otbasylar tegin alady. Ataýly karta STC kompaniiasynan beriledi», - dedi ol elorda máslihatynyń áleýmettik-mádeni damý máseleleri jónindegi turaqty komissiiasynyń otyrysynda.
Onyń atap ótýinshe, STC kompaniiasy da is júzinde ákimdikke atalǵan sanatqa kiretin adamdardyń qoǵamdyq kólikte tegin júrgenin kórsetetin 3 mlrd teńgeniń validatsiiasyn usynady.
«Olar muny tizimmen naqtylap otyrady», - dedi Ilia Skýb.
