Aizat Moldaqasymova Jumatov atyndaǵy Gigiena jáne epidemiologiia ǵylymi ortalyǵynyń direktory qyzmetinen bosatyldy, dep habarlaidy "Ult aqparat".
QR Densaýlyq saqtaý ministrligi Qoǵamdyq densaýlyq saqtaý ulttyq ortalyǵynyń baspasóz qyzmetinen málim etkendei, A. Moldaqasymova synaq merziminde ózin kórsete almaýyna bailanysty 14 qyrkúiekte qyzmetinen bosatyldy.
«2020 jyldyń 3 maýsymynda Aizat Moldaqasymova Jumatov atyndaǵy Gigiena jáne epidemiologiia ǵylymi ortalyǵynyń direktory bolyp qabyldandy. Alaida, 1 shildeden qyrkúiektiń ortasyna deiin Moldaqasymova ýaqytsha eńbekke jaramsyzdyq paraǵynda boldy. 14 qyrkúiek kúni onymen eńbek sharty buzyldy. Ol ózin synaq merziminde kórsete almady»,– dep habarlady Qoǵamdyq densaýlyq saqtaý ulttyq ortalyǵynyń baspasóz qyzmeti.
Aizat Moldaqasymova 2017 jyldan bastap Almaty qalasynyń Bas sanitarlyq dárigeri bolyp qyzmet etti.
Eske salaiyq, biylǵy sáýir aiynda Almatyda Ortalyq klinikalyq qalalyq aýrýhana dárigerleri arasynda jappai koronavirýs infektsiiasy tirkelgen bolatyn. Alaida, A.Moldaqasymova meditsina mamandarynyń ózin sanitarlyq normalardy saqtamady dep aiyptady. 18 sáýirde Bas sanitarlyq dáriger qyzmetinen bosatyldy.
Al maýsym aiynda ol Jumatov atyndaǵy Gigiena jáne epidemiologiia ulttyq ortalyǵynyń basshysy qyzmetine taǵaiyndalǵany habarlandy.
