ايزات مولداقاسىموۆا جۇماتوۆ اتىنداعى گيگيەنا جەنە ەپيدەميولوگييا عىلىمي ورتالىعىنىڭ ديرەكتورى قىزمەتٸنەن بوساتىلدى, دەپ حابارلايدى "ۇلت اقپارات".
قر دەنساۋلىق ساقتاۋ مينيسترلٸگٸ قوعامدىق دەنساۋلىق ساقتاۋ ۇلتتىق ورتالىعىنىڭ باسپاسٶز قىزمەتٸنەن مەلٸم ەتكەندەي, ا. مولداقاسىموۆا سىناق مەرزٸمٸندە ٶزٸن كٶرسەتە الماۋىنا بايلانىستى 14 قىركٷيەكتە قىزمەتٸنەن بوساتىلدى.
«2020 جىلدىڭ 3 ماۋسىمىندا ايزات مولداقاسىموۆا جۇماتوۆ اتىنداعى گيگيەنا جەنە ەپيدەميولوگييا عىلىمي ورتالىعىنىڭ ديرەكتورى بولىپ قابىلداندى. الايدا, 1 شٸلدەدەن قىركٷيەكتٸڭ ورتاسىنا دەيٸن مولداقاسىموۆا ۋاقىتشا ەڭبەككە جارامسىزدىق پاراعىندا بولدى. 14 قىركٷيەك كٷنٸ ونىمەن ەڭبەك شارتى بۇزىلدى. ول ٶزٸن سىناق مەرزٸمٸندە كٶرسەتە المادى»,– دەپ حابارلادى قوعامدىق دەنساۋلىق ساقتاۋ ۇلتتىق ورتالىعىنىڭ باسپاسٶز قىزمەتٸ.
ايزات مولداقاسىموۆا 2017 جىلدان باستاپ الماتى قالاسىنىڭ باس سانيتارلىق دەرٸگەرٸ بولىپ قىزمەت ەتتٸ.
ەسكە سالايىق, بيىلعى سەۋٸر ايىندا الماتىدا ورتالىق كلينيكالىق قالالىق اۋرۋحانا دەرٸگەرلەرٸ اراسىندا جاپپاي كوروناۆيرۋس ينفەكتسيياسى تٸركەلگەن بولاتىن. الايدا, ا.مولداقاسىموۆا مەديتسينا ماماندارىنىڭ ٶزٸن سانيتارلىق نورمالاردى ساقتامادى دەپ ايىپتادى. 18 سەۋٸردە باس سانيتارلىق دەرٸگەر قىزمەتٸنەن بوساتىلدى.
ال ماۋسىم ايىندا ول جۇماتوۆ اتىنداعى گيگيەنا جەنە ەپيدەميولوگييا ۇلتتىق ورتالىعىنىڭ باسشىسى قىزمەتٸنە تاعايىندالعانى حابارلاندى.
