Aiyrbastaý pýnkteri terrorizmdi qarjylandyrý úshin paidalanylýy múmkin. Mundai aqparatty QR Qarjylyq monitoring agenttigi taratty, dep habarlaidy QazAqparat.
Vedomstvo málimetinshe, qoldanystaǵy zańnamaǵa sáikes 500 myń teńgeden astam somaǵa valiýta aiyrbastaý kezinde aiyrbastaý pýnkteri klientten jeke basyn kýálandyratyn qujatty jáne turatyn mekenjaiyn talap etýi tiis. Eger operatsiialardyń somasy 500 myń teńgege deiin bolsa, klient tek jeke basyn kýálandyratyn qujatty usynady. Osy oraida agenttik mundai talap ne úshin qajettigin de túsindirip berdi.
«Bul talap qylmystyq kiristerdi zańdastyrýǵa qarsy is-qimyl elementteriniń biri bolyp sanalady. Alaida, Qazaqstandaǵy jaǵdai mynadai, barlyq aiyrbastaý pýnkteri bul erejelerdi saqtamaidy. Iaǵni óz klientin sáikestendirmeidi. Kiristerdi jylystatýǵa jáne terrorizmdi qarjylandyrýǵa qarsy is-qimyl týraly zań aiyrbastaý pýnkterin klientterdi sáikestendirip qana qoimai, ishki baqylaý qaǵidalaryn ázirleýge jáne bekitýge, terrorizmge bailanysty uiymdar men tulǵalardyń tizbesin qadaǵalaýǵa, sondai-aq kúdikti operatsiialar týraly QR Qarjy monitoringi agenttigine habarlaýǵa mindetteidi», - dep atap ótedi vedomstvodan.
Taratylǵan aqparatqa qaraǵanda, kúdikti operatsiialarǵa qolma-qol aqshanyń iri somalardy turaqty aiyrbastaý, úshinshi tulǵalardyń qatysýymen valiýta aiyrbastaý, syrtqy kelbeti kúdikti adamdardyń, terrorizmdi qarjylandyrý táýekeli joǵary elderden kelgen shetel azamattarynyń valiýta aiyrbastaýy jatady.
«Alaida Qazaqstanda qarjy operatsiialary týraly derekterdi jinaý júiesinde tirkelmegen aiyrbastaý pýnkteri de bar. Olarǵa «Royal valiýta« JShS, «NURALI exchange« JShS, «MiK« OP JShS, «Lider Ekscheindj« JShS, «Konstanta-A« JShS, «Semei Valiýta« JShS, «Romik« JShS, «Ai-Arý i K« JShS, «I' asi 'na-Qazyna« JShS, «TENGRIIa« JShS jatady. Qarjylyq monitoringi agenttigi joǵaryda kórsetilgen aiyrbastaý pýnkterine WEB-SFM portalynda dereý tirkelýge jáne zańnama talaptaryn saqtaýǵa shaqyrady», - dep atap ótedi vedomstvodan.
Agenttiktiń atap ótýinshe, «Qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl týraly» QR Zańynyń talaptaryn oryndamaý, onyń ishinde kúdikti operatsiialar týraly habarlamalardy jibermeý kiristerdi jylystatýǵa jáne terrorizmdi qarjylandyrýǵa qatysý retinde baǵalanýy múmkin. Sondyqtan QR zańnamasynda kózdelgen aiyrbastaý operatsiialaryn júzege asyrýǵa litsenziiany qaitaryp alýǵa deiingi jaýaptylyqqa ákep soǵady.
