QR IIM Ákimshilik politsiia komiteti aiyppuldardy 50 paiyz jeńildikpen tóleý tártibin túsindirdi, - dep habarlaidy Tengrinews.kz tilshisi.
Komitettiń málimetinshe, ákimshilik zańnamalarǵa sáikes, azamattar 7 (jeti) táýlik ishinde ákimshilik aiyppuldy 50 paiyz mólsherinde tóleýge quqyly.
Osy maqsatta ákimshilik quqyq buzýshylyq jasaǵan adamdarǵa hattamamen birge túbirtek tapsyrylady, onda 50 paiyz aiyppul somasy kórsetilip, tóleý tártibi túsindiriledi.
"Budan ári hattama toltyrylǵan sátten bastap 24 saǵat ishinde salynǵan ákimshilik aiyppul týraly málimetter IIM derekter bazasyna engiziledi, sodan keiin aiyppuldy onlain rejiminde "egov.kz" elektrondyq úkimettiń portalynda kórýge jáne tóleýge bolady. Bul rette júie 7 táýlik ishinde aiyppuldyń mólsherin 50% mólsherinde kórsetedi, odan keiin, kelesi táýlikte aiyppul, eger ol áli tólenbegen bolsa júie avtomatty túrde tolyq mólsherde qoiady.
Aiyppul elektrondyq úkimet portaly arqyly tólengen jaǵdaida, tólem týraly málimetter IIM derekter bazasyna dereý túsedi jáne aiyppul ótelgen bolyp sanalady, odan ári ishki ister organdaryna túbirtekti berýdi qajet etpeidi", - dedi vedomstvo ókilderi.
Sondai-aq, 7 táýlikti esepteýde merekelik jáne demalys kúnderi eskerilmeitini aitylady.
Sonymen qatar, azamattar aiyppuldardy 12 ekinshi deńgeidegi bankterdiń esep aiyrysý-kassalyq bólimderinde (AO "ATF Bank", "Qazaqstan Halyq banki", "QazaqBanki" AQ, "Kazkommertsbank" AQ, "AsiaCreditBank" AQ, "Bank Astany" AQ, "Eksimbank Kazahstan" AQ, "Nurbank", "KaspiBank" AQ, "Sberbank" AQ, "Tsesnabank", "ForteBank" jáne "Qazposhta" AQ "onlain" rejiminde qaraýǵa jáne tóleýge múmkindigi bar, sebebi olar elektrondyq úkimet portaly arqyly IIM júiesine qosylǵan.
"Iaǵni, azamat qandai da bir tólem operatsiialaryn jasaý kezinde, mysaly, atalǵan bankter nemese "Qazposhta" AQ arqyly kommýnaldyq qyzmetterdi tóleý kezinde, ózderiniń esepte turǵan tólenbegen aiyppuldaryn bile alady jáne sol jerde olardy tólei alady. Osyndai aiyppuldardy onlain rejiminde qaraý jáne tóleý múmkindigi barlyq mamandandyrylǵan HQKO jáne HQKO bar.
Bul jaǵdaida azamatqa ishki ister organdaryna túbirtek usyný qajet emes, óitkeni tólem týraly málimetter IIM júiesine avtomatty túrde túsedi", - dedi komitettegiler.
