Jańa serviste qoldanýshylar ákimshilik aiyppul bar-joǵyn mezette bile alady.
Bas prokýratýranyń Quqyqtyq statistika jáne arnaiy esepke alý jónindegi Komiteti «Biryńǵai ákimshilik óndiris reestri» jobasy aiasynda qoldanýyshlar ákimshilik aiyppul bar-joǵyn mezette bile alatyn servisti iske qosyp otyr.
Servis búginnen bastap qamqor.gov.kz aqparattyq servisinen basqa, Bnews.kz portalynda da bar. Qyzmet barlyq qoldanýshylarǵa tegin. Ákimshilik aiyppul bar-joǵyn bilý úshin jeke tulǵalarǵa jeke kýáliginiń nómiri men JSN engizý jetkilikti, al zańdy tulǵalar BSN men memlekettik tirkeý nómirin engizýi kerek.
Saitta budan basqa – aiyppuldy qai jerde tóleýge bolatyny; aiyppul tólengenimen, áli de bazada turǵan jaǵdaida ne isteýge bolatyny jóninde aqparat alýǵa bolady. Sonymen birge, aiyppul tóleitin azamattyń óz máselesin sheshýge qajet málimetter de jinalǵan.
Joba «Tsifrlyq Qazaqstan» memlekettik baǵdarlamasy aiasynda jasalǵan.
Mundai servis QR Bas prokýratýrasynyń Quqyqtyq statistika jáne arnaiy esepke alý jónindegi Komitetiniń saitynda da bar.
Servistiń siltemesi: https://bnews.kz/lite/onlinecheck
