Sý tasqynyna bailanysty ótken jiynda tótenshe jaǵdailar qyzmetiniń basshysy tehnikanyń jetispeitindigin alǵa tartty, dep habarlaidy «Tilshi». Oblystyq tótenshe jaǵdailar basqarmasynyń basshysy Baýyrjan Syzdyqov birqatar máseleni tizbeleimin dep Saparbaevtan sóz estip qaldy.
«Saǵan qazir eshkim kólik alyp bermeidi. Ishki ister departamentinen sura, basqasynan sura. Mundai jaǵdaida menshikke, kim kimniń qaramaǵynda dep bólinbei, aýyzbirshilik tanytyp jumys isteýimiz kerek. Áleýmettik jelide qaiyq joq dep jazyp jatyr. Balyqshylar birlestigi bar shyǵar, nege surap almasqa?», — dedi oblys basshysy.
Ákim sondai-aq eskertý jasalǵan turǵyndardyń úilerinen shyqpai jatqandaryna tańdanysyn jasyrmady.
«Bir stýdent qyz úiinde úsh kún jatyp aldy. Zorǵa alyp shyqtyq. Qoǵam bilikke kómektesý kerek. Politsiia, ákimdik jáne tótenshe jaǵdailar qyzmeti 24 saǵat kezekshilik etsin. Eldiń barlyǵy teledidar kórmeidi. Barlyǵynda birdei telefon joq. Sondyqtan, daýys zoraitqyshpen shyǵyp aiqailaý kerek edi. Ainalyp kelip, SMS-ti aita beresińder», — dep keiidi Saparbaev.
Oblys basshysy sondai-aq sý arnasy deńgeiin kádimgi taiaqpen ólshenip jatqanyna kóńili tolmaitynyn jetkizdi.
«Ózi ainaldyrǵan 10-11 oryn shyǵar. Arnaiy syzǵyshtaryń joq pa? Sý deńgeiiniń qanshaǵa kóterilgenin, tómendegenin saǵat saiyn bilip otyrýlaryń kerek. Sol boiynsha oblystyq shtabqa habar berip, shara qoldanýlaryń kerek», -dedi ol.
Sóitse, taiaqpen sý deńgeiin ólshep júrgen eriktiler bolyp shyqty. Ákim mundai jumysty aldymen tótenshe jaǵdailar qyzmetiniń júrgizý kerektigin basa aitty.
