Biyl Ulttyq biryńǵai test kezinde talapkerdiń synaq tapsyrý barysyn 2 kamera qadaǵalaityn bolady. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Bul - bizde jyl saiyn dástúrli formatta ótkiziletin testileý. Biyl ony aqpan aiynyń sońyna deiin jalǵastyramyz. Ótinish bildirgen barlyq azamat osy testini tapsyryp úlgerýi kerek. Bul mindetti grantty alýǵa baǵyttalǵan test emes. Muny keibir azamattarymyz daiyndyq retinde qaraidy. Basqalary joǵary oqý oryndaryna aqyly túrde túsý úshin tańdaidy, oǵan sertifikaty jaramdy. Qalai desek te, bul testileý túlekterimiz úshin mańyzdy. Sondyqtan osy jumysty tiisti deńgeide júrgizýimiz kerek», - dedi Ashat Aimaǵambetov ministrliktiń apparat jinalysynda.
Sonymen qatar ol biyl Ulttyq biryńǵai testileý barysynda qoldanylatyn jańa tetik jaiynda aitty.
«Ulttyq biryńǵai testileýdi biyl da elektrondy formatta ótkizýimiz qajet. Ashyqtyqty, ádildikti qamtamasyz etý - basty mindettiń biri. Biyl jańa tetikter de engiziledi. Onyń ishinde qosymsha kamera bolady. Iaǵni, endi bir kamera emes, 2 kamera bir test tapsyrýshyǵa arnalyp qoiylady. Bir kamera talapkerdiń test tapsyrý barysyn qadaǵalasa, ekinshi kamera sol adamnyń ózi otyrǵan-otyrmaǵanyn belgilengen ýaqyttyń ishinde sýretke túsirip, tirkeidi. Testileýdiń basynan aiaǵyna deiin basqa adam emes testi tapsyrýshynyń ózi otyrǵanyn baqylaidy. Fist Id fýnktsiiasy bar arnaýly kamera bolady. Sondyqtan osy josparlardy tiisti deńgeide oryndaý qajet», - dedi ministr.
