بيىل ۇلتتىق بٸرىڭعاي تەست كەزٸندە تالاپكەردٸڭ سىناق تاپسىرۋ بارىسىن 2 كامەرا قاداعالايتىن بولادى. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«بۇل - بٸزدە جىل سايىن دەستٷرلٸ فورماتتا ٶتكٸزٸلەتٸن تەستٸلەۋ. بيىل ونى اقپان ايىنىڭ سوڭىنا دەيٸن جالعاستىرامىز. ٶتٸنٸش بٸلدٸرگەن بارلىق ازامات وسى تەستٸنٸ تاپسىرىپ ٷلگەرۋٸ كەرەك. بۇل مٸندەتتٸ گرانتتى الۋعا باعىتتالعان تەست ەمەس. مۇنى كەيبٸر ازاماتتارىمىز دايىندىق رەتٸندە قارايدى. باسقالارى جوعارى وقۋ ورىندارىنا اقىلى تٷردە تٷسۋ ٷشٸن تاڭدايدى, وعان سەرتيفيكاتى جارامدى. قالاي دەسەك تە, بۇل تەستٸلەۋ تٷلەكتەرٸمٸز ٷشٸن ماڭىزدى. سوندىقتان وسى جۇمىستى تيٸستٸ دەڭگەيدە جٷرگٸزۋٸمٸز كەرەك», - دەدٸ اسحات ايماعامبەتوۆ مينيسترلٸكتٸڭ اپپارات جينالىسىندا.
سونىمەن قاتار ول بيىل ۇلتتىق بٸرىڭعاي تەستٸلەۋ بارىسىندا قولدانىلاتىن جاڭا تەتٸك جايىندا ايتتى.
«ۇلتتىق بٸرىڭعاي تەستٸلەۋدٸ بيىل دا ەلەكتروندى فورماتتا ٶتكٸزۋٸمٸز قاجەت. اشىقتىقتى, ەدٸلدٸكتٸ قامتاماسىز ەتۋ - باستى مٸندەتتٸڭ بٸرٸ. بيىل جاڭا تەتٸكتەر دە ەنگٸزٸلەدٸ. ونىڭ ٸشٸندە قوسىمشا كامەرا بولادى. ياعني, ەندٸ بٸر كامەرا ەمەس, 2 كامەرا بٸر تەست تاپسىرۋشىعا ارنالىپ قويىلادى. بٸر كامەرا تالاپكەردٸڭ تەست تاپسىرۋ بارىسىن قاداعالاسا, ەكٸنشٸ كامەرا سول ادامنىڭ ٶزٸ وتىرعان-وتىرماعانىن بەلگٸلەنگەن ۋاقىتتىڭ ٸشٸندە سۋرەتكە تٷسٸرٸپ, تٸركەيدٸ. تەستٸلەۋدٸڭ باسىنان اياعىنا دەيٸن باسقا ادام ەمەس تەستٸ تاپسىرۋشىنىڭ ٶزٸ وتىرعانىن باقىلايدى. Fist Id فۋنكتسيياسى بار ارناۋلى كامەرا بولادى. سوندىقتان وسى جوسپارلاردى تيٸستٸ دەڭگەيدە ورىنداۋ قاجەت», - دەدٸ مينيستر.
