Bilim jáne ǵylym ministri Ashat Aimaǵambetov pandemiia kezindegi qabyldanǵan sheshimderge ókinbeitinin málimdedi, dep habarlaidy "Ult aqparat".
«Áý basta basym kópshiligi «tórtinshi toqsandy shilde-tamyz ailaryna aýystyraiyq» dese, keibiri «odan da osymen oqý jylyn aiaqtaiyq» degen edi. Alaida osyndai pikirlerge qaramastan biz oqýdy qashyqtan jalǵastyrý týraly sheshim qabyldadyq», - dedi Ashat Aimaǵambetov Bilim jáne ǵylym ministrliginiń onlain formattaǵy tilshilermen kezdesýinde.
Bilim jáne ǵylym ministri bul sheshimniń oń bolǵanyn jetkizdi.
«Bul sheshimge tittei de ókinbeimin. Tolyǵymen durys dep esepteimin. Sol kezdegi usynystarǵa qulaq asqanda qazirgi shilde aiynda jaǵdaiymyz qalai bolar edi – elestete berińiz», - dedi Ashat Aimaǵambetov.
Eske sala ketsek Prezident Qasym-Jomart Toqaev Úkimettiń keńeitilgen otyrysynda mektepterdiń aldaǵy jańa oqý jylyna daiyndyǵyn pysyqtaǵan bolatyn.
«Bul – ákimdikter men ministrliktiń jumysynyń nátijesi. Ákimdikter jańa oqý jylyna dereý daiyndalyp, mektepter men jekelegen muqtaj otbasylardy qajetti tehnikamen jabdyqtaýǵa tiis. 1 qyrkúiekte jańa oqý jyly bastalady. Ministrliktiń bul oqiǵaǵa daiyndyǵyna kúmánim bar. Balalar qalai oqidy – mektepte nemese qashyqtan? Muǵalimderdiń jańa oqý jylyna daiyndyǵy qandai?», - dep suraq qoidy Memleket basshysy.
