بٸلٸم جەنە عىلىم مينيسترٸ اسحات ايماعامبەتوۆ پاندەمييا كەزٸندەگٸ قابىلدانعان شەشٸمدەرگە ٶكٸنبەيتٸنٸن مەلٸمدەدٸ, دەپ حابارلايدى "ۇلت اقپارات".
«ەۋ باستا باسىم كٶپشٸلٸگٸ «تٶرتٸنشٸ توقساندى شٸلدە-تامىز ايلارىنا اۋىستىرايىق» دەسە, كەيبٸرٸ «ودان دا وسىمەن وقۋ جىلىن اياقتايىق» دەگەن ەدٸ. الايدا وسىنداي پٸكٸرلەرگە قاراماستان بٸز وقۋدى قاشىقتان جالعاستىرۋ تۋرالى شەشٸم قابىلدادىق», - دەدٸ اسحات ايماعامبەتوۆ بٸلٸم جەنە عىلىم مينيسترلٸگٸنٸڭ ونلاين فورماتتاعى تٸلشٸلەرمەن كەزدەسۋٸندە.
بٸلٸم جەنە عىلىم مينيسترٸ بۇل شەشٸمنٸڭ وڭ بولعانىن جەتكٸزدٸ.
«بۇل شەشٸمگە تيتتەي دە ٶكٸنبەيمٸن. تولىعىمەن دۇرىس دەپ ەسەپتەيمٸن. سول كەزدەگٸ ۇسىنىستارعا قۇلاق اسقاندا قازٸرگٸ شٸلدە ايىندا جاعدايىمىز قالاي بولار ەدٸ – ەلەستەتە بەرٸڭٸز», - دەدٸ اسحات ايماعامبەتوۆ.
ەسكە سالا كەتسەك پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا مەكتەپتەردٸڭ الداعى جاڭا وقۋ جىلىنا دايىندىعىن پىسىقتاعان بولاتىن.
«بۇل – ەكٸمدٸكتەر مەن مينيسترلٸكتٸڭ جۇمىسىنىڭ نەتيجەسٸ. ەكٸمدٸكتەر جاڭا وقۋ جىلىنا دەرەۋ دايىندالىپ, مەكتەپتەر مەن جەكەلەگەن مۇقتاج وتباسىلاردى قاجەتتٸ تەحنيكامەن جابدىقتاۋعا تيٸس. 1 قىركٷيەكتە جاڭا وقۋ جىلى باستالادى. مينيسترلٸكتٸڭ بۇل وقيعاعا دايىندىعىنا كٷمەنٸم بار. بالالار قالاي وقيدى – مەكتەپتە نەمەسە قاشىقتان? مۇعالٸمدەردٸڭ جاڭا وقۋ جىلىنا دايىندىعى قانداي?», - دەپ سۇراق قويدى مەملەكەت باسشىسى.
