Bilim jáne ǵylym ministri Ashat Aimaǵambetov telejúrgizýshi Nartai Aralbaiulyna bergen suhbatynda "Joǵary oqý oryndaryn jabýǵa kedergi keltirip jatqandardyń aty-jónin atai alasyz ba?" degen suraqqa jaýap berdi, dep habarlaidy Sputnik Kazakhstan.
"Ol bostan-bosqa shyqpaityn másele ǵoi. BAQ-ty, áleýmettik jelilerdi ashyp qarasańyz, kimniń ne istep jatqanyn, kimniń bizge aqparattyq shabýyl jasap jatqanyn túsiný qiyn emes. Halyq bárin bilip otyr. Sondyqtan qajet bolsa biz olardyń aty-jónin ataimyz. Qajet bolsa ǵana. Biraq meniń jeke ustanymym – zańnama sheńberinde túsindirip, tiimdi jumys isteý", - dedi ministr.
Ashat Aimaǵambetov bilim ministrliginiń eń basty maqsaty ýniversitetti jaýyp tastaý emes, bilim sapasyn kóterý ekenin atap ótti.
"Keibir ýniversitetter jan-jaqtan shýlap jatyr. Myna oqý ornynyń 50 jyldyq, myna ýniversitettiń pálen jyldyq tarihy bar edi deidi. Biraq shýlai bermei, sol ýniversitetterdiń diplomdaryn, baǵdarlamalaryn ashyp qarańyzdarshy! Sapa bolmasa, keleńsiz jaǵdailar kóbeise, biz ne isteimiz, qol qýsyryp qarap otyra berýimiz kerek pe? Joq, árine. Sondyqtan balalardy qorǵaý úshin, bilim sapasyna nuqsan keltirmeý úshin osyndai sheshim qabyldaýǵa májbúrmiz. Osyǵan kóp energiia, kóp kúsh ketip jatyr. Biraq muny biz istemesek, kim isteidi?", - dep túiindedi bilim ministri.
Aita keteiik, buǵan deiin prezident Qasym-Jomart Toqaev sapasyz joǵary oqý oryndaryn jaýyp jatqan bilim jáne ǵylym ministrligine aqparattyq shabýyl jasalyp jatyr degen bolatyn.
