بٸلٸم جەنە عىلىم مينيسترٸ اسحات ايماعامبەتوۆ تەلەجٷرگٸزۋشٸ نارتاي ارالبايۇلىنا بەرگەن سۇحباتىندا "جوعارى وقۋ ورىندارىن جابۋعا كەدەرگٸ كەلتٸرٸپ جاتقانداردىڭ اتى-جٶنٸن اتاي الاسىز با?" دەگەن سۇراققا جاۋاپ بەردٸ, دەپ حابارلايدى Sputnik Kazakhstan.
"ول بوستان-بوسقا شىقپايتىن مەسەلە عوي. باق-تى, ەلەۋمەتتٸك جەلٸلەردٸ اشىپ قاراساڭىز, كٸمنٸڭ نە ٸستەپ جاتقانىن, كٸمنٸڭ بٸزگە اقپاراتتىق شابۋىل جاساپ جاتقانىن تٷسٸنۋ قيىن ەمەس. حالىق بەرٸن بٸلٸپ وتىر. سوندىقتان قاجەت بولسا بٸز ولاردىڭ اتى-جٶنٸن اتايمىز. قاجەت بولسا عانا. بٸراق مەنٸڭ جەكە ۇستانىمىم – زاڭناما شەڭبەرٸندە تٷسٸندٸرٸپ, تيٸمدٸ جۇمىس ٸستەۋ", - دەدٸ مينيستر.
اسحات ايماعامبەتوۆ بٸلٸم مينيسترلٸگٸنٸڭ ەڭ باستى ماقساتى ۋنيۆەرسيتەتتٸ جاۋىپ تاستاۋ ەمەس, بٸلٸم ساپاسىن كٶتەرۋ ەكەنٸن اتاپ ٶتتٸ.
"كەيبٸر ۋنيۆەرسيتەتتەر جان-جاقتان شۋلاپ جاتىر. مىنا وقۋ ورنىنىڭ 50 جىلدىق, مىنا ۋنيۆەرسيتەتتٸڭ پەلەن جىلدىق تاريحى بار ەدٸ دەيدٸ. بٸراق شۋلاي بەرمەي, سول ۋنيۆەرسيتەتتەردٸڭ ديپلومدارىن, باعدارلامالارىن اشىپ قاراڭىزدارشى! ساپا بولماسا, كەلەڭسٸز جاعدايلار كٶبەيسە, بٸز نە ٸستەيمٸز, قول قۋسىرىپ قاراپ وتىرا بەرۋٸمٸز كەرەك پە? جوق, ەرينە. سوندىقتان بالالاردى قورعاۋ ٷشٸن, بٸلٸم ساپاسىنا نۇقسان كەلتٸرمەۋ ٷشٸن وسىنداي شەشٸم قابىلداۋعا مەجبٷرمٸز. وسىعان كٶپ ەنەرگييا, كٶپ كٷش كەتٸپ جاتىر. بٸراق مۇنى بٸز ٸستەمەسەك, كٸم ٸستەيدٸ?", - دەپ تٷيٸندەدٸ بٸلٸم مينيسترٸ.
ايتا كەتەيٸك, بۇعان دەيٸن پرەزيدەنت قاسىم-جومارت توقاەۆ ساپاسىز جوعارى وقۋ ورىندارىن جاۋىپ جاتقان بٸلٸم جەنە عىلىم مينيسترلٸگٸنە اقپاراتتىق شابۋىل جاسالىپ جاتىر دەگەن بولاتىن.
