QR Bilim jáne ǵylym ministri Ashat Aimaǵambetov mektep direktorlaryn aýystyrý qalai júrgiziletindigin túsindirdi, dep habarlaidy QazAqparat.
Búgin halyqpen esep berý kezdesýin ótkizgen ministrge muǵalimderdiń biri: «Ustazdardy bir aimaqtan ekinshi aimaqqa rotatsiiasy júrgizilýde deidi halyq. Biz qustar emespiz ǵoi, ana jaqtan myna jaqqa ushatyn. Ol ne sonda?», - dep saýal joldaǵan bolatyn.
Osyǵan orai Ashat Aimaǵambetov munyń teris aqparat ekendigin basa aityp ótti.
«Rotatsiia muǵalimderge qatysty emes, mektepterdiń basshylyǵyna, direktorlarǵa ǵana qatysty tetik. Direktorlarǵa qatysty degenniń ózinde de mysaly bir direktordy Petropavldan Túrkistanǵa jiberý degen emes. Rotatsiia bolsa da ol bir qalanyń ishinde júrgiziledi. Sondyqtan bir óńirden ekinshi óńirge jiberý degen másele zańnamamyzda kórsetilmegen. Muǵalimder boiynsha rotatsiia máselesi múldem joq», - dedi ministr.
