قر بٸلٸم جەنە عىلىم مينيسترٸ اسحات ايماعامبەتوۆ مەكتەپ ديرەكتورلارىن اۋىستىرۋ قالاي جٷرگٸزٸلەتٸندٸگٸن تٷسٸندٸردٸ, دەپ حابارلايدى قازاقپارات.
بٷگٸن حالىقپەن ەسەپ بەرۋ كەزدەسۋٸن ٶتكٸزگەن مينيسترگە مۇعالٸمدەردٸڭ بٸرٸ: «ۇستازداردى بٸر ايماقتان ەكٸنشٸ ايماققا روتاتسيياسى جٷرگٸزٸلۋدە دەيدٸ حالىق. بٸز قۇستار ەمەسپٸز عوي, انا جاقتان مىنا جاققا ۇشاتىن. ول نە سوندا?», - دەپ ساۋال جولداعان بولاتىن.
وسىعان وراي اسحات ايماعامبەتوۆ مۇنىڭ تەرٸس اقپارات ەكەندٸگٸن باسا ايتىپ ٶتتٸ.
«روتاتسييا مۇعالٸمدەرگە قاتىستى ەمەس, مەكتەپتەردٸڭ باسشىلىعىنا, ديرەكتورلارعا عانا قاتىستى تەتٸك. ديرەكتورلارعا قاتىستى دەگەننٸڭ ٶزٸندە دە مىسالى بٸر ديرەكتوردى پەتروپاۆلدان تٷركٸستانعا جٸبەرۋ دەگەن ەمەس. روتاتسييا بولسا دا ول بٸر قالانىڭ ٸشٸندە جٷرگٸزٸلەدٸ. سوندىقتان بٸر ٶڭٸردەن ەكٸنشٸ ٶڭٸرگە جٸبەرۋ دەگەن مەسەلە زاڭنامامىزدا كٶرسەتٸلمەگەن. مۇعالٸمدەر بويىنشا روتاتسييا مەسەلەسٸ مٷلدەم جوق», - دەدٸ مينيستر.
