Dúniejúzilik balalar kúni aiasynda QR Bilim jáne ǵylym ministri Ashat Aimaǵambetov birneshe mektep oqýshysymen onlain-kezdesý ótkizdi, dep habarlaidy "Ult aqparat".
Onlain-kezdesýler IýNISEF-tiń «Kids Take over – Balalar kósh bastaidy» bastamasy negizinde uiymdastyryldy.
«Biz qazir balalardyń ál-aýqaty indeksin daiyndaý boiynsha úlken jumys júrgizip jatyrmyz. Balalardyń ál-aýqaty – tek bilim berý ǵana emes, sonymen qatar densaýlyq saqtaý jáne basqa da kóptegen salanyń máselesi. Biz indeks jasap, ár qala, ár aýdan, ár oblys boiynsha qandai da bir oblystyń qalai jumys isteitinin jáne balalarǵa qandai jaǵdai jasaitynyn, bala quqyqtaryn qalai qorǵaitynyn kórgimiz keledi. Bul jumysty bastap ta kettik, kelesi jyldyń qańtar aiynan bastap jumys júieli túrde júrgiziletin bolady dep oilaimyn. Sondai-aq, biz ár mektepte ózin-ózi basqarý institýttary – mektep parlamentteri bolǵanyn qalaimyz», – dedi Bilim jáne ǵylym ministri Ashat Aimaǵambetov.
Efir barysynda oqýshylar tarapynan usynystar men bastamalar aityldy. Atap aitqanda, oqýshylar bala quqyqtaryn qorǵaý maqsatynda senim telefondaryn uiymdastyrýdy usynady, sondai-aq mektepterdi kórkem ádebiettermen qamtamasyz etý máselelerin kóterdi. «Biz «Oqityn ult» degen úlken jobany bastadyq. Ár mektepti kórkem ádebietpen, ásirese qazaq tilindegi ádebiettermen qamtamasyz etkimiz keledi. Kitaphanalardy kórkem ádebietpen qamtamasyz etý kerek. Balalarymyzdyń kitap oqýy biz úshin óte mańyzdy», – dedi Bilim ministri qashanda oqýshylardy tyńdaýǵa jáne qoldaýǵa daiyn ekenin aita kele.
Esterińizge sala keteiik, Qazaqstanda «Oqityn mektep – oqityn ult» jobasy bastaldy.
