دٷنيەجٷزٸلٸك بالالار كٷنٸ اياسىندا قر بٸلٸم جەنە عىلىم مينيسترٸ اسحات ايماعامبەتوۆ بٸرنەشە مەكتەپ وقۋشىسىمەن ونلاين-كەزدەسۋ ٶتكٸزدٸ, دەپ حابارلايدى "ۇلت اقپارات".
ونلاين-كەزدەسۋلەر يۋنيسەف-تٸڭ «Kids Take over – بالالار كٶش باستايدى» باستاماسى نەگٸزٸندە ۇيىمداستىرىلدى.
«بٸز قازٸر بالالاردىڭ ەل-اۋقاتى يندەكسٸن دايىنداۋ بويىنشا ٷلكەن جۇمىس جٷرگٸزٸپ جاتىرمىز. بالالاردىڭ ەل-اۋقاتى – تەك بٸلٸم بەرۋ عانا ەمەس, سونىمەن قاتار دەنساۋلىق ساقتاۋ جەنە باسقا دا كٶپتەگەن سالانىڭ مەسەلەسٸ. بٸز يندەكس جاساپ, ەر قالا, ەر اۋدان, ەر وبلىس بويىنشا قانداي دا بٸر وبلىستىڭ قالاي جۇمىس ٸستەيتٸنٸن جەنە بالالارعا قانداي جاعداي جاسايتىنىن, بالا قۇقىقتارىن قالاي قورعايتىنىن كٶرگٸمٸز كەلەدٸ. بۇل جۇمىستى باستاپ تا كەتتٸك, كەلەسٸ جىلدىڭ قاڭتار ايىنان باستاپ جۇمىس جٷيەلٸ تٷردە جٷرگٸزٸلەتٸن بولادى دەپ ويلايمىن. سونداي-اق, بٸز ەر مەكتەپتە ٶزٸن-ٶزٸ باسقارۋ ينستيتۋتتارى – مەكتەپ پارلامەنتتەرٸ بولعانىن قالايمىز», – دەدٸ بٸلٸم جەنە عىلىم مينيسترٸ اسحات ايماعامبەتوۆ.
ەفير بارىسىندا وقۋشىلار تاراپىنان ۇسىنىستار مەن باستامالار ايتىلدى. اتاپ ايتقاندا, وقۋشىلار بالا قۇقىقتارىن قورعاۋ ماقساتىندا سەنٸم تەلەفوندارىن ۇيىمداستىرۋدى ۇسىنادى, سونداي-اق مەكتەپتەردٸ كٶركەم ەدەبيەتتەرمەن قامتاماسىز ەتۋ مەسەلەلەرٸن كٶتەردٸ. «بٸز «وقيتىن ۇلت» دەگەن ٷلكەن جوبانى باستادىق. ەر مەكتەپتٸ كٶركەم ەدەبيەتپەن, ەسٸرەسە قازاق تٸلٸندەگٸ ەدەبيەتتەرمەن قامتاماسىز ەتكٸمٸز كەلەدٸ. كٸتاپحانالاردى كٶركەم ەدەبيەتپەن قامتاماسىز ەتۋ كەرەك. بالالارىمىزدىڭ كٸتاپ وقۋى بٸز ٷشٸن ٶتە ماڭىزدى», – دەدٸ بٸلٸم مينيسترٸ قاشاندا وقۋشىلاردى تىڭداۋعا جەنە قولداۋعا دايىن ەكەنٸن ايتا كەلە.
ەستەرٸڭٸزگە سالا كەتەيٸك, قازاقستاندا «وقيتىن مەكتەپ – وقيتىن ۇلت» جوباسى باستالدى.
