Turǵyn úi alaptaryn josparlaý kezinde bilim berý obektileriniń qurylysy eskerilmei, saldarynan oryn tapshylyǵy týyndap jatyr. QR Bilim jáne ǵylym ministri Ashat Aimaǵambetov Úkimet otyrysynda osy problemany kóterdi, dep habarlaidy QazAqparat.
«Turǵyn úi alaptaryn josparlaý kezinde kóbinese bilim berý obektileriniń qurylysy eskerilmeidi. Osydan oqýshy oryndarynyń jetispeýshilik problemalary týyndaidy. Osyǵan orai, turǵyn úi qurylysy jumystaryn bastar aldynda ákimdikterge birinshiden mekteppen qamtamasyz etýdi suraimyn», - dedi ministr.
Onyń aitýynsha, búgingi tańda 2500 oqýshyǵa arnalǵan mekteptiń tiptik jobasy ázirlengen. Endi 1500, 2000, 3000 oqýshyǵa arnalǵan mektepterdiń úlgilik jobalaryn ázirleý qajet.
«Salynatyn mektepterde mamandandyrylǵan kabinetter, zamanaýi jabdyqtalǵan ámbebap sheberhanalar, keminde eki sport zaly, kitaphana, mediateka jáne oqý zaldary bolýy tiis. Bul úshin biz qazir mektepterdi jabdyqtaýǵa qoiylatyn talaptardy kúsheitip jatyrmyz», - dedi vedomstvo basshysy.
